|
ياغانم أشتر من جديد المواطيـر
[table1="width:80%;background-color:black;border:9px outset skyblue;"][cell="filter:;"]
[/cell][/table1][table1="width:80%;background-color:black;border:9px outset skyblue;"][cell="filter:;"]
ياغانم اشتر من جديد المواطيـر = شاصاً على كيف الغريب الخــلاوي
لونه مع الأصباح كنه نحر طيـر = ولونه مع أتلا الليل نجــم سمـاوي
خطه مع الجنبين ياهيه ما غيــر = شفة هنوف من سقا التــوت راوي
أليا مشا كنه ولـد شيخ امغيــر = مصطور صفقه صفق سيل النحـاوي
ولافز تسمعله مع القاع تصفيــر = صر السواني فوق بير قصـــاوي
ولاوقف ماله من الوصف تصـوير = ألا كما وصف العديـم النـــداوي
صوت كفراته لونسة شلعت القيـر = كنه أعوا ذيب من الجوع طــاوي
وجلد التواير يجلد الهيد والعيــر = رعاد مزن والبرد منـه هـــاوي
وحس المكينه لستوت فزة السيـر = حس الهنوف المترفـي السحــاوي
ورفارف يشقابها الفكر ويحيــر = كنه *****************
له مقدم كنـه يقـود الطـوابيـر = أو مثل قبع العسكري الفــــداوي
ماخذبه أعيال الجحلط مشاويــر = ولا حملوا حوضه بجحٍ حســـاوي
ما ساقه ألا محتميــن المعاشيـر = أهل العزاوي مخلفين الهقــــاوي
هو علة ألي مبراسه صعاطيــر = وهو طب من يوجس على الكبد لاوي
هو منوة أقلوب الزحول المناعير = لكـــم دونه يقصـراً المنـــاوي
يازين فوقه لمشينابه اعصيــر = مـــع خايع ماداج فيها الشــواوي
وسهيل بان وطلعته مقدم الخيـر= نجم مـع الغيث المغيث أمتخـــاوي
والوسم جاله مع أدخوله تباشيـر = وذكـــر الحياء جتله أعلوم وحراوي
يا الله بهمال بصوب المزابيــر = نـــون سنا برقه مع الغرب ضاوي
يسقي الديار الممحلاة المداهيــر = ألـــي ثراها فوقها العــود ذاوي
وبل وصوته لسقا القاع تكبيــر = شهرين والما حاير في المحـــاوي
حتى غداء روس الزبيدي مشاهير = فوق الثراء يعمي العيون ويــداوي
قفر تعانقبه أغصــون النواويـر = الـــــريح طيب ولم سالم غناوي
والروض بطرافه تحن المغاتيـر = وحيرانهن يبـــرلهن بالخطــاوي
وكفة فحلهن بينهن كنه النيــر = ولا عقيـــد دون داره حـمــاوي
ذي جنـة الدنيا والأيام تعبيــر = ولا زينها ألا مقتفيهــا بـــلاوي
لو مانسج الرجل في الخبة ونسير= معاد نلقا للوناســـه حــــراوي
أقنوص والارايحين مسايـيــر = صوب الرجال أمزبنين الجـــلاوي
ربع لهم حشمه وقيمه وتقديــر = مجلاسهــم مهب مجلس قهـــاوي
العود الأزرق والدلال المباهيـتر = ودثر الشحم فوق الصحون أمتسـاوي
دواسر يوم الحــرايب بواتيـر = ويوم الرخا حبلاً متين رهــــاوي
أصغارهم يثنون عند المضاهيـر = ستر العذارا والــدبش والعــزاوي
وكبارهم مثل الوحوش الهواميـر = أسيوفهم بين النحــر والكــلاوي
وباقي القبايل نعم من غير تقصير = وكلاً ًعلى فعله يعــد الحكـــاوي
غير النشاما ما يبي القلب تدويـر = في شوفهم يسلا العلــيل الشقـاوي
أسج معهم والليالــي مقاديــر = والعمر مره يلخفـــوق السنــاوي
وش خانة الدنيا وجمع الدنانيـر = وحنــا علينا نازع الــروح نـاوي
الشاعر/ خالد بن مدعث الدوسري
[/cell][/table1]
التعديل الأخير تم بواسطة عازف الكلمه ; 2016- 11- 26 الساعة 11:55 PM
|