*
للاسف التطور السريع هو اللي تعب العالم و ليس البحث عن ذواتهم ..
فجأة اللي لها ستين سنه اهلها يشدون و ينزلون في البران تعرف شانيل و فندي
المقارنات الغبيه هي اللي اتعبتنا نناظر للي بيد غيرنا و ننسى اللي عندنا ليه ؟ لان صرنا نشوف اشياء ما كنا ننشوفها هالانفتاح و وسائل التواصل ورتنا اشياء تخليك كذا تقول اثاريني ما كنت عايش !؟ فيه اشياء شفتها ماصدقتها !! اجل فيه احد ياخذ طيارة خاصة عشان يسافر من جدة للرياض ب70000 !!!! وش هالعالم ؟
و سالفة الفساتين ذي مادري من زرعها بعقولكم انا البس لبسي 4 مرات وطقاق هو قيمتي بلبسي ؟ هو بيزيني بعيون الخلق ؟ يعني وش هالغباء !! و بعد سالفة تقليد هالماركلت اللي طاحوا فيه ليه عاد ماتقدرين تشترين الاصليه ليه الهياط ؟ هي عارفه انه تقليد و الناس عارفه انه تقليد وتقعد تهايط اشتريتها بالشيء الفلاني بس عشان ترى شوفوني معي ماركة !!
هالحين بيتكم ايجار ابوك ماهو وزير و لا تاجر انت عايشه على حافز و فجأة اشترت شانيل ب30 الف و تبينا نصدقها
للامانه انا اشفق على اللي كذا ارحمهم لان مايسوي كذا اللي ثقته بنفسه صفر او يحس بالنقص و يقعد يعبي هالنقص بطريقة غبية و مكشوفة تخلي الناس يشفقون عليه ..
دائماً و ابداً اقول تصالحوا مع ذواتكم و عيشوا حياتكم اي شيء في نفسك تكرهه او تحسه نقص فيك لا تطمطمه واجه نفسك وحب هالشيء و اعترف لنفسك بهالنقص اللي فيك اذا يتصلح صلحه اذا ما لك يد فيه تعايش معه و تقبله الطمطمه اخرتها انفجار و امراض نفسيه و سلبيه تتعبك و تتعب اللي حولك ..
وبس و الله عسى ما كثرت عليكم
-