المشاركة الأصلية كتبت بواسطة صبا!

اللهم صل وسلم على سيدنا محمد

حاولت افهم موضوعك ياعبدالله وحاولت اقراء الردود واربطها بموضوعك وبكون صادقه معك

شوف مافي انسان مايحب الرفاهييه ويكون عنده بيت جميل
وسياره فخمه ويسافر .....الخ من المغريااات مثل ماذكرتها

بس وضعه المادي هو الي بيفرض عليه ان يعيش على قده
زين ،،،
يعني لازم يكون مقتنع وراضي عن حاله ولا يطالع لغيره لانه بيتعب 👍🏻

بس انا مع ان الشخص يطور من نفسه وحياته
يعني مو معقول انت تكون ساكن بيت صغيرطول عمرك وتقول عادي خلاص
اكيد انك بتطمح لبيت اجمل واكبر بس يكون بتخطيط
منك واياً كان هذا بقرض او اتجميع بتدبر المبلغ
وتشتري البيت الي نفسك فيه

انا راح انظر لك انك شخص تفكيره زين حب يرفهه نفسه ويوسع على عايلته ونفس الكلام ينطبق على السياره

بينما غيري بينظر لك انك حملت نفسك عبء من الديون عشان هالشيء،،،،، وعشان يقال انك ساكن بيت زين ولا قصر

شفت شلووون ؟!' اختلف المنظور بسبب نظرتنا للناس والدخول بالنوايا
ننتقد الشخص البسيط الي تقول بيتوشح عباءه الاغنياء
طيب هومن حقه يشتري يطلع ويروح دام مابيضر احد ويمشي اموره بنفسه وان شاءالله يكون دافع راتبه كله عشان يشتري الشي الي نفسه فيه مالنا شغل اذا هو راضي ومقتنع عن الشيء الي يسويه ليه ننتقده؟

وماننكر ان فيه اشخاص همهم نظره الناس لهم وبس تلقاهم يتعبون بكل شي من تقديم ومن لبس ومن كل شي وكان الناس بتقيمهم باللي يملكونه مو بحسن اخلاقهم وتعاملهم معهم ،،،

وبالنسبه للزواجات والفساتين و.....الخ
اقدر اطلع الزواج حلو ومميز على قد وضعي المادي
اهم شي انا اكون راضيه من جوا عن هالشيء
واقدر افصل فستان واشتري ملابس على ذوقى مو على كم سعره بالنهايه الذوق هوالي يحكم كل شي حتى لو الشي قيمته بسيطه


وبس حلو الانسان يكون راضي ومقتنع بحياته وبنفس الوقت يرفهه عن نفسه ويمشي اموره بالمعقول دام مابيضر احد ولا اخذ من مال احد ،
بالنهايه احنا بشر نحب نمتلك الاشياء الجميله
وكنت اقدر اقول كلام غير كذا واكون مثاليه بردي
بس قلت لك الواقع كلنا كذا نطمح اننا نشتري ونلبس كل شي حلو
بس المهم يكون على قد ميزانيتنا وطريقه تدبيرنا للامور
وبعيد كل البعد عن امور الهياط والمجاكر




تشكرااات ع الموضوع ،،،