اقتباس:
المشاركة الأصلية كتبت بواسطة ميشو 6606
السلام عليكم ورحمه الله وبركاته
انا حابه أتكلم في شي مضايقني من اول الترم وقلت امكن لأجل وقت الجد نشوف التغيير
اللي لاحظته مافي اي تعاون في المنتدى الوحده تسال عن شي ولا تلاقي احد يجاوب على استفساراتتها سواء في مسأله مو فاهمتها او اي شي ليه الانانيه ذي ليه كل واحد فينا نفسي نفسي خلاص انا فاهمه ماعلي وطز في الباقين انا يكون بعلمكم المفروض أكون ذَا الترم مستوى سابع من الدفعه الماسيه والله والله متحسفه اني مو معاهم لاكن غضروف أجلت سنه كامله ان كان واجبات ولا ملخصات ولا اي احد مو فاهم تلاقي اي احد منزل اعلان اجابات ع استفساراته للأسف اوليه في بنت منزله إنّو مو فاهمه اداره العمليات وانا معاها في ذَا الشي في اشياء مو فاهمتها واخرتها وحده ترد عليها تقول وش تبغين نسويلك طيب اشرحيلها اللي تقدرين علي ولا لا تردين جزاك الله خير ...ياليت وارجو يكون فيه تعاون في المجموعه الله يرضى عليكم مو معقوله المنتدى ميييييت كذا
وصلى الله على سيدنا محمد ..........  |
وعليكم السلام ورحمة الله وبركاته
هلا فيك اختي
كلامك صحيح 100% لكن المفروض انتي بعد ماااتربطين نفسك باحد وتنتظرين لانه كل شخص له
ظروفه منهم المشغول ومنهم المعتذر ومنهم الاناني مثل ماقلتي لذلك ارجعي للورش
حتى لو تغير الدكتور بالذات للمواد العمليه ارجعي للورشه لان شرح المساله مايحتاج يتغير بتغير
الدكتور خلاص هو شرح يوصلك لحل المساله وهذا المطلوب وجربي وشوفي كلامي
واذا فيه مساله مو فاهمتها اكتبي بالقوقل المحاضره ورقمها واسم الماده بتلاقين شرح لدكتور ثاني
شوفيه يمكن تستفيدي وربي يسهل لك كل امر عسير
اقتباس:
المشاركة الأصلية كتبت بواسطة غيدْ.
وعليكم السلام ورحمة الله وبركاته،
صحيح معك حق .. اصلاً دفعتنا "دفعة الحزم" كانت شعله بالحماس والتعاون من طلبه وطالبات ماشاءالله بس مدري شاللي صار ! طبعاً لاقصور بـ جوان وبعض الاعضاء لاعدمناهم يردون مايقصرون 
لكن يمكن ع قولة اللي فوق بسبب انو كلن مسوي له خطه وبعععد التلقرام والواتس آب عامر قروبات وساحبين ع الملتقى 
وعني انا الحمدلله ارد ع الاستفسارات اللي اعرفها واللي ماعرفها اتركها ومايحتاج اتفلسف  .
يالله الله يسهلها وييسرها لنا ويوفقنا جميعاً ... |
صدقتي والله كانت دفعتنا شعله من النشاط وفيه بينهم ترابط جميل جدا لكن للاسف من غيروا الخطه عن خطة الجامعه
اختفووووا واختفى حماسهم وتعاونهم بالملتقى والله كنا مانلحق على المواضيع كل طالب يساهم بمعلومه
بس حسااافه والله اختفى الجميع فجأه وياليتنا ماغيرنا خطة الجامعة وكنا نتشارك بروح الفريق الواحد
ومثل ماقال اخونا اللي راح للتويتر واللي راح للتلقرام وانا عن نفسي غير الملتقى ماااحب اروح لأي مكان
استعينوا بالله ياخواتي وان شاء الله ربنا بيعيننا وجوان فديتهااااااااا هي روح الملتقى الله يجعل ماتقوم به من جهدمعنا
في ميزان حسناتها ولاننسى اختنا ورده جوريه رغم انه فقدناها هالمستوى لكن لازال لها بصمه جزاها الله خير
وأم حنااان ربي يسعدها سعادة الدارين هالانسانه مافيه قسم مالها اثر فيه ومااملك الا الدعاء لها ولكل من ساعدنا