ملتقى طلاب وطالبات جامعة الملك فيصل,جامعة الدمام - عرض مشاركة واحدة - تجمع هآام جداً للاختبارات النهائية .. اتمنى من الجميع التفاعل

عـلـي · 2016- 12- 19

اقتباس:

المشاركة الأصلية كتبت بواسطة moony polo

اليوم اتصل علي المدير الدكتور عبدالله المريح وناقشني بخصوص الخطاب اللي قدمناه

قالي التدريب الميداني صار يوم الخميس يعني أول يوم لا يوجد تعارض مع التغير الاجتماعي وهذا لرغبة الجميع انكم ماتبونه مع أي مقرر
ثانياً تكلم معي بخصوص اختبار مقررين بنفس اليوم وكان كلامه ان محد اعترض الا على اول يوم بس عشان التدريب الميداني وعطيته الخبر ان الكل معترض على الشرط الجديد طبعاً وهو سبب مشكله للكثير من الطلاب والكل يعترض عليه يعني هو كان يحسبه شي عادي والكل موافق وكان كلامي له اني رحت للجامعه وقالوا لي نظامنا نبي نساويكم بالانتظام .. << هنا انا علمته اننا من بدينا دراسة بالتعليم عن بعد الين وصلنا هالسنه محد فكر فينا وقال راح نعطيهم ايام راحه بين فترة الاختبارات مثل ((( طالبات الانتظام )))

طبعاً الدكتور جداً متفهم وبدأ ياخذ كلامي بشي واقع يصير مو افتراض
الكلام اللي قلته له احنى يومياً نختبر وأنا ما اتكلم عن نفسي لانه دخل على رقمي الاكاديمي وشاف كم عدد موادي وعرف انو عندي تعارض ب4 مواد وقلت له أنا ما اتكلم باسمي فقط اتكلم باسم طلاب وطالبات التعلم عن بعد اكثرهم يراسلوني وعندهم 6 مواد تعارض فما بالك يومياً نختبر ووقت مساءً والبعض ربة بيت ومسؤوله عن زوج والأولاد اللي مسئول عن أهل ومواصلات وأم وأب !!!

يعني عطيته من الآخر احنى بس اللي نبيه الشرط يرجع ويكون لنا الحرية باختيار الماده اللي نبي نختبرها ويكون فيه جدول للمعتذرات

الدكتور عبدالله الله يجزاه خيير قالي اللحين بشوف هالمشكله واجتمع فيها ونناقشها وبيرد لي خبر
>> للعلم الدكتور صار له من أمس يدق علي مرتين وما كنت قريبه من الجوال وكان الخطاب عنده بنفس اليوم اللي رحت الجامعه وقدمته بس ما اتخذ قرار حسب كلامه لانه يبي يناقشني ويعرف مني بالضبط المطلوب << وهذا إن دل دل على اهتمامه لنا ولطفه وتقديره تجاه أبناء وبنات منتسبين لجامعته

اتمنى من الجميع فضلاً لا أمراً الاتصال على رقم مكتبه نبي الكل يشارك ويتفاااعل ويشوفون العدد كثير للمعارضين

رقم المدير :د . عبدالله المريح القحطاني 0133332451 تحويله 32451

ولكم جزييل الشكر وتمنياتي لكم بالتوفيق

انا اشهد انك ذيبه

ماشاء الله عليك تكلمتي عن معاناة الجميع وجزاك الله خير

والله يكثر من امثال هالدكتور اللي من جد واضح اهتمامه بمشاكل الطلبه وحرصه بالاتصال .. اتمنى تنحل المشاكل على يده

واتمنى ايضا اي طالب او طالبة عنده معاناة او مشكلة يتصل على رقم الدكتور المسجل