السلام عليكم ورحمة الله وبركاته
يسعد لي صباحكم بكل خير وعافيه اتحدث اليكم ومعكم وانا واحد منكم عن وضعنا المزري للغاية
مع هالتخصص اللي كل واحد يدربي راسه فيه ولا نعرف شي وحالتنا رايحة فيها تقول عيال البطة السوداء
والجامعة وقفت التسجيل بالتخصص وصار وضعنا بالحال هذا مثل الاب اللي يدخل الغرفه ويحصل عياله
حايسين اوم المقلط وقفل الباب وقام يجلد فيهم اللي انحاش ربي فكه واللي قعد بالغرفه انجلد هذا بالضبط
يمثل وضعنا مع الجامعه اللي تخرج الله يوفقه وحنا وطاحو فينا هالمصارية اسئلة مقاليه وجلد فيها
الواحد مايقدر يرفع راسه المهم مالكم بالطويلة انا من حسرتي قمت اهذري عليكم لاتلوموني
اللي حاب اقوله لكم اننا نبي نتعاون الاختبارات بعد يومين والواحد فينا تايه حتى مو عارف الاسئلة في بعض المواد
مقاليه او موضوعيه اللي عنده معلومه او حاجة تفيد زميله لايقصر معه والله اني حزنت لوضعنا
بالنسبة لتخصصات الثانيه اللي اقترح عليكم اننا نسوي قروب او نثبت موضوع وكل واحد
يدلو بدلوه فيه وقتها يكون افدنا واستفدنا والله ولي التوفيق