|
رد: خطة تفوقك في مقرر مدخل محاسبة ادارية
اقتباس:
المشاركة الأصلية كتبت بواسطة SA..
مساء الخير على الجميع .. هذا المثال ماني فاهمته أبداً فتحت المحاضره من البلاك بورد و شفت شرح الدكتور و نفس الشي مافهمت مو قاعد يفهم او انا عشان موادي كلها مسائل حسيت بضغط لو سمحتو الي فاهمه هالشي تفهمني ؟
|
راح اشرح لك بطريقتي ويارب تفهمين لي :
اول شي / الجدول اللي فوق يعتبر وارد يعني شي تستوردينه من برا
واللي تحتها تعتبر من / الصادر يعني انتي اللي تصدرين من عندك لمكان ثاني
باعطيك مثال يسهل عليك الفهم . افترضي ان عندك شركة انتاج برتقال والصناديق اللي عندك عددهم 300 (اللي هو الرصيد) جت شركه 1/5 قالت لك نبي 200 صندوق برتقال (البيانات اللي بالصادر) وانتي عندك 300 لما تعطينهم 200 كم يبقى عندك صندوق (رصيد) ؟ راح يبقى 100 صندوق (طبعا الصادر اللي بعد الرصيد يكون سعره نفس سعر الرصيد 20 ) ( وتضربين الكمية بالسعر يعطيك القيمة) ، بعدها فكرتي وقلتي فرضا بيجي احد يطلب مني صناديق اكثر من 100 من وين اجيب ؟ لازم استورد او اورد (وارد) عشان يزيد المخزون عندي رحتي شريتي 200 صندوق تاريخ 1/6 راح تحطينه عندك مع 100 اللي باقيه عندك بالكمية ، بعدها جتك شركه طلبت منك 150 صندوق شلون بتعطينهم ؟ بتنزلين 100 مثل ماهي و 50 تاخذينها من الـ 200 (تحطينها بالصادر) راح يبقى عندك 150 ريال تحطينها بالرصيد يعني هذا اللي بقى عندك الحين بالمخزن وعلى هالحال امشي .
اتمنى فهمت/ي علي عذرا ع الاطاله الشرح ماله حل بس شسوي عجزت استوعب هالدرس الا بهالطريقه 
|