طيب أولا السلام عليكم ..
ثانيا صدمتوني جداااا أنه فهمنا المادة دسمه و عقدتنا من حليمة و فعايله .. بس هذه أول مرة التفاعل في تجمع أحدى المواد سلبي و غير مفيد و بالعكس لخبط اللي كان مركز .. لحد يطمر و يقول ليش دخلتي دامك مركزه و مذاكره .. أنا أدخل لأن دائما التجمع يفيد و ينبه على شغلات الواحد يغفل عنها .. بس هالمرة ما غير حلطمة و ناس تجي تروعنا بأنطباعات سلبية .. أنا اكيد و كلنا على قلب واحد و نزعل اذا دفعة اختبرت مرت بأختبار صعب و نتفهم نفسياتهم .. بس يفترض ان ما يدخلون يروعونا و يلعبون بالنفسية و بكرا ورانا اختبار لنفس الدكتور ..
شغله ثالثة : أعتب ع الأعضاء اللي يسألون نفس السؤال اللي سأله غيرهم مع ان الأعضاء و المشرفين جاوبو عليه و يرجع ينسأل و التجمع صار كيلو صفحات الواحد يصدع و هو يقلب يخاف شي مهم يفوته .. ابدأو تصفحو التجمع من البداية ممكن تستفيد من سؤال غيرك و توفر أنك تسأل و تنتظر احد يجاوبك اذا انت ما عندك وقت تقلب الصفحات و مالك خلق لا تنتظر كل شي على طبق من ذهب .
رابعا و هالعتب ع المشرفين مع كل محبتي و أحترامي و تقديري لهم و لمجهودهم لكن ليش تتثبت مواضيع او تنحط ملفات في بداية التجمع اذا حلولها فيها اخطاء او ناقصة او ملخبطة .. بكون اكثر تحديد يعني الى الان في اكثر من سؤال كل واحد مجاوب عليه غير الملفات و احترنا نحفظ ايش ! عندي ما نحط هالملفات في اول الصفحة ارحم .. عتبي من محبة و تقدير والله خصوصا و انه بالاخير انتو محل ثقتنا فأي شي تحطوه احنا نثق انه صح و انكم مارين عليه و شفتوا محتواه . بارك الله فيكم و اعتذر اني فرغت طاقتي هنا بس جد حسيت ان تعبي ضاع بسبب ان تزعزعت ثقتي باللي ذاكرته . و للحين مو باين اي ملف نعتمد و اي اسئلة مصححة نعتمد علما اني لفيت كل صفحات التجمع