أنا عن نفسي الأسئلة كانت عادية للي مذاكر و اتطلع على أسئلة الأعوام السابقة
أنا ما مداني أطلع على الأسئلة غير سريع فما ركزت فيها لكن عدت الحمد لله
لكن كمان الحق ينقال المفروض السئلة على المادة العلمية مو اللخبطة بكلمة فرق
لازم تدقق على كل جواب و تتأكد كل كلمة مضبوطة و إلا أسوي لها x >>>>> كذا حالي أمس ههههه :looking_anim:
و كمان الحالة النفسية لها دور ... و فعلا كنت في حالة خوف على يأس و أحيانا كان يجيني شعور أبغا درجة النجاح و بس >>>>> عمري ما وصلت لها الدرجة بس أستاهل
لما جانا انطباع عن ثامن صعبة عندهم تحطم كثير منا و أنا منهم
المفروض ما نقيس أيش اللي يجينا بغيرنا لو كان نفس الدكتور لاختلاف طبيعة كل مادة عن الثانية
كمان فيه البعض مو الكل الصراحة ما يذاكر بحجة الظروف و بس يمسك الأسئلة و يمكن يجي عنده في الاختبار كم سؤال من المحتوى بس جديدة يتلعطم و يتحطم و يحطم غيره
طيب ذاكر و أعطي المادة حقها و بعدين أطلع على الأسئلة تطلع من الاختبار مبسووووط ... ما في شيء يجي بالساهل نحنا في الدنيا و يبغا لها تعب عشان تحصل على اللي تبغاه مو نحنا في الجنة يرزقنا اياها و اياكم يا رب اللي تتمناه عندك
و الظروف كلنا عندنا ظروف بيت و عيال و أشغال و مسؤوليات المسألة بس يبغا لها تنظيم وقت و بس ... ما شاء الله واحد الترم اللي فات من غير دفعتنا ما أذكر اسمه نزل موضوع كتب تجربته في التفوق و عنده عمل تجاري خاص يبغا له متابعة و عنده بيتين و يزور دايم أمه و أبوه و قال الحمد لله متفوق ... طيب هذا من وين له التفوق ... التخطيط و الالتزام الصح يوصل للنجاح و إلا لو كانت المسألة شوربة ما كانت فيه دورات لتنظيم الوقت و طرق الوصول للأهداف و إدارة حتى الشركات الكبيرة تعطيها لموظفيها >>>>>>> قلبتها دورة تطوير الذات
و أنت يا اللي مذاكر و تدرس من بدري أعطي المادة حقها من مذاكرة المادة زين و اطلعت على الأسئلة الاثنين مكملين لبعض بقوة و لا تسمع لانطباعات الدفعات الثانية في مادة غير مادتك لاختلاف طبيعة كل مادة عن غيرها ثم توكل على الله و ادعي ربك بتتيسر الأمور و إن شاء الله تطلع من اختبارك راضي كل الرضا ... لأن الحالة النفسية فعلا لها دور في رفع الهمم و حتى لو كانت بعض المسائل استشكلت عليها بتُفرج إن شاء الله
و عذرا على الإطالة من أمس في قلبي بس كنت منهكة مادتين النقد و الترجمة أخذوا جهد كبير مني و أكيد أنتم كمان
موفقين في اختباراتكم القادمة و إن شاء الله الجميع يأخذ الامتياز في كل موادكم
