السلام عليكم
أولا أحب أشكر كل من يساهم بمشاركه العلم النافع لغيره
أم شهد لله درك و أحمد العبدالله و الصقار بتلقرام و جميع من وضع
بصمه نجاح في هذا الملتقى ..
ثانيا للأمانة أعتمد عليكم بعد الله في تجميع الملخص و أهم مايطرح بالمباشرات
ليس أهمال مني لكن لضيق الوقت ..
ثالثا بخصوص الأختبار تبع المحاسبة كان سهل ممتنع بالنسبة لي
لان البنات عندي للساعة 3 الفجر أذاكر لهم مبادئ رياضيات مستوى أول والحمدلله
درجة الامتياز اللي نالوها محت الزعل بداخلي لاني كنت أطمح للدرجة الكامله ..
رابعا
الحين بخصوص 22 على آي أساس اضربها ب 15
علاوة الوقت الإضافي 15-10=5
5*22= 110
وهو طالب الغير مباشرة
اذا طلب مباشرة ف النتيجة بلا شك 510
بالنسبة لي اعتبرت انه طالب المبلغ ككل 510 + 110 = 620 لان هذا اللي راح يستلمه بالاخير
أتمنى أحد يوضح لي من وين جت 220 لاني وصلت بمذاكرة المنهج للمحاضرة الثامنة
وطبقت ع القوانين ماتطلع لي ابد 220