انت صراحة جبت لنفسك هالشي
انا صراحة مالي دخل بالموضوع بالكامل لكن بقولك هالكلام لمصلحتك انت، أولاً فيه كثير شكاوي صارت و شفتها بعيني، و الطلاب مش أغبياء، اذا صحيح الدكتور تعمد الصعوبة او الاختيارات الغبية الي يطلعها من كيسه (حليمة الله لا يوفقك) الطلاب يعرفون، فيه طلاب كثير فتحو من قبل تظلمات و اغلب الناس ما عبرتهم و حتى الطالب الي رسب فيها يجي يرد يقول الله حق احنا ما ذاكرنا، فـ أول شي لا تعمم
اذا ودك تقول ان الشكوى و رفع التظلم ما منه فايده اوكي، ما قلنا شي، قول و انصح الطلاب، لكن لا تقول انهم ما ذاكرو و لا سوو شي من بداية الفصل، قدرات الناس تتفاوت من واحد إلى ثاني و كلامك غلط، أنا احين اخر سنة و معدلي و لله الحمد (ما راح اقوله لكنه مره زين) و ما اذاكر الا بيوم الاختبار، فـ كلامك خطأ انه ما ينفع تذاكر باخر يوم لأني أنا و غيري نسويها و ماشينا زي الحلاوة ، أنا أنقهر أكثر للي يكتبون الملخصات و يساعدون الطلاب من بداية الترم و بالأخير يصيحون بعد الاختبار! كيف؟!
ع العموم لا تدافع عن الجامعة كأنه معصومين عن الخطأ و ايوقنة التظلم موجودة (سواء معترفه الجامعه فيها او مش معترفه فيها) موجودة لسبب