ملتقى طلاب وطالبات جامعة الملك فيصل,جامعة الدمام - عرض مشاركة واحدة - تجمع وش سالفة كل شوي واحد فاتح لي موضوع تظلم !؟

شهـد سليمـان · 2017- 1- 8

اقتباس:

المشاركة الأصلية كتبت بواسطة ديمة مؤمن

يا جماعة اذكروا الله

كليتو الرجال بقشوره وش ذا الكلام

ولا كإنا في منتدى جامعة ..... وش ذا .. وش ذي الألفاظ

وش قال هو ماقال شي
اذا الكتور غلطان في سؤال معين او شيء ثاني سواه : اكيد من حق الطلاب يعترضو ويرفعو تظلم

لكن اكيد اخونا يقصد كثرت مواضيع رفع التظلم المستفزه اللي مالها داعي

والله العظيم ويشهد الله : اكثر من موضوع تظلم انفتح لأكثر من مادة , والله الأسئلة من المنهج , ومباشرة جدا وكلها من المحتوى وسهله مررره , وتراني ماني دافوره لكن مجتهده

وش رايكم : والله اني انقهرت وانا اشوف الموضوع والدكتور ما قصر معانا ابد ابد . لا وعايد من اسئلة العام بعد .

لكن عشان قلب الجواب سؤال والسؤال جواب صار لازم تظلم . وش يبون ذولا ما صارت جامعة ذي

في مادة في م انجليزي دكتورها يعطيهم في المباشرات اسئلة مراجعة للمادة ... شوفو وش صار ؟ والله جاب من اسئلة المراجعة هذة اسئلة النجاح واكثر في الاختبار : يعني لو ذاكرو من اسئلة المراجعة

بينجحون...

شوفو المهزله .. فتحو موضوع طويل عريض عن التظلم : ليه الدكتور جاب سؤالين الإجوبه متقاربة ؟ طيب هذا من حق الدكتور , يشوفك مذاكر بتركيز او لا , وبعدين كلها سؤالين , مو كل الامتحان كذا

ترانا في جامعة يا الربع مو في ابتدائية ,

لازم تجينا اسئلة الفرق بينها كلمة , وين الغلط

شوفو جامعات برا يجيهم كم سؤال من خارج منهجهم عشان تميز الدافور فيهم , اللي بعد ما يخلص مذاكرة كتابه يطلع على مصادر للمادة خارجية

واحنا عشان الدكتور جاب خيارين متقاربن انقلبت الدنيا راس على عقب

كل مواضيع التظلمات اللي مرت علي والله دكتورها ما كان يستحق بس زي ما قال الاخ ناس ما تذاكر , بحجة انهم يبغو معامله خاصة لانهم انتساب ولهم ظروف

ولما تشوف ذي الواضيع تتضايق : على شنو بيرفعو تظلم ذولا

الاخ الفاضل الكريم

يمكن هو غلط انه ما فصل كثير كلامه وفي ناس رح تفهمه غلط

بس ترى مثل ما قولتو له ما لك شغل , وايش دخلك

هو بعد من حقه يبدي رأيه بدون ذا الهجوم اللي ماله داعي

كان ممكن تجاوبو نه بطريقه اهدأ وأفضل

خلونا نحس اننا في جامعة عاد

تراكم مسختوها

والله ما صارت يا اخوان

يا عزيزتي أنا خريجه جامعة انتظام قسم علم نفس
وادرس إدارة اعمال زيادة علم فقط
وطول مسيرتي في التعليم مامر علي دكتور اسألته فيها لف ودوران
اضرب لك مثال في جامعتنا الموقره فيه دكتور اسمه عبد الكريم قندوز
كانت من بين اسألته سؤال كان الجواب مو موجود مو بس كذا
كانت الاجوبة تقريبآ كذا
5512.12
5512.13
5512.14
والجواب مايطلع بالإله ولازم نختار الجواب ويكون تقريبي
أنا ماقد مر علي كذا ولا راح يمر

مثل ماهر واجب علي أني اذاكر الدكتور واجب عليه انه يوصلي المعلومة وتكون اسألته معقوله
من حقنا نتظلم لان الجامعة ممكن ماشافت اسألة الدكتور واحنا ننبهم

وبالنسبه لصاحب الموضوع هو قال اننا نهمل وبليدين واحنا نذاكر اول بأول
وكثير أنا اعرفهم يدرسون بالجامعه وكلهم اجمعو ان هذا الترم اصعب ترم مر عليهم
لا تعززون للجامعه الجامعة اذكى مني و منك وماخذين حقهم ثالث ومثلث

رجاء هذا الملتقى متنفس لنا ومن حقنا أنا نقول وجهات نظرنا