السلام عليكم
ياجماعة الخير صلو على النبي
التظلمات ماراح تنفع الا اذا كان في الاختبار اسئلة خطأ او اختياراتها خطأ ,, منها يتم تعويض الطلاب
اما اختبار صعب او دكتور اسئلته عقدة ماشفت احد استفاد من تظلم
طريقة المذاكرة تختلف من مادة لمادة ,, مثلا المواد النظرية تختلف مذاكرتها عن العلمية
** المواد العلمية تحتاج تسمع المحاضرات اللي فيها مسائل وشروحات علشان تفهمها مضبوط,,
وتقرأ ملف المحاضرات اللي فيها تعاريف وكتابة فقط مايحتاج تضيع وقت بالاستماع لكامل المحاضرة (وهالشي تعرفه بانك تفتح ملف المحاضرة البوربوينت وتمر سريع على الصفحات وتحدد المحاضرة تحتاج قراءة فقط او تشغل الفيديو)
** المواد النظرية انا شخصيا اكتفي بملفات البور بوينت ,, وبعدها اراجع اسئلة السنوات السابقة اذا كان الدكتور (قديم) واحل الكويزات لترسيخ المعلومة
** المواد مع دكتور جديد: اذا كان الدكتور جديد مالكم الا تركزو على محاضراته بشكل كامل 100% لان بالمحاضرات لازم بيحدد اهم الامور وبيقول مهم او سؤال اختبار ,, الواجبات الاغلب تجي ,, لايمنع مذاكرة الاعوام السابقة لانه ممكن ياخذ منها كم سؤال
بالنسبة للملخصات والكويزات: هذي اجتهاد من طلاب الدفعه نفسهم يراجعو ويجهزو ,, لازم تتعاونو فيها مع بعض واذا الكل مشغول مثلا اغلب الدفعه موظفين ومافيه وقت ,, الوقت هذا فرصة مهم انكم تجمعو اهم الملفات والكويزات للفصل القادم ,, كل ماعليكم انكم تدخلو لمنتدى الفصل القادم وتجمعو اهم الملفات ويكون فيه تنسيق مابينكم مثلا العضو 1 يجمع مادة الاحصاء ,, و العضو 2 يجمع مادة المحاسبة والخ ...
انا ماكتبت هالشي الا نصح ويمكن كلامي يفيد لو شخص واحد لوجه الله
مع ان بكرا عندي اخر اختبار احصاء والوقت ضيق ..
تمنياتي لكم بالتوفيق