من المؤسف اللي نشوفه كل ترم بالتعليقات بعد الاختبارات عن الدكاترة صراحة، عبر وقول رايك بحدود الادب واذا عندك ملاحظات فنظام تقييم المقررات والدكاترة موجود لهالسبب ..
استغرب من بعض التعليقات الي مكتوب فيها الدكتور شرحه ما كان واضح، الحين صحيت وينك طول الترم ؟ لو انت صحيح حريص كان ارسلت للدكتور وقلت له شرح البورد ما يطلع بالمسجل مش تصحى بالبث المباشر الاخير تنوه على هالشي زي وحدة من الاخوات او حتى بعد الاختبار! انا اتفاديت هالشي باني كنت اسمع اللي يقوله واكتبه وراه وهو يتكلم ويكتب، وبالنسبة لمستوى الاختبار اكيد قدرات الطلاب تختلف ولكن هذا يرجع لاجتهاد كل شخص في ناس شايفة الاختبار جدا سهل بالنسبة للدراسة اللي درستها وفي ناس شافت انو صعب ومعقد بالنهاية انظر لفايدتك من المقرر مش عالاختبار اذا حليت الحمدلله واذا ماحليت شوف وين الخلل فيك وصلحة ما ترمي كل شي على ظهر غيرك، انا اذا خبصت باختبار باسكت لانه غلطي ما درست مش ارمي اللوم على غيري واطول لساني .. عيب ارتقوا هذا دكتور مهما كان، حطوا انفسكم مكانه بعد التعب والجهد تكافء بهالكلام ما اظن في احد بيقبلها على نفسه فلا تقبلوها على غيركم.
وشكرا لكل المشرفين واللي ساهموا بجمع الحلول والتلخيص والله يوفق الجميع