ملتقى طلاب وطالبات جامعة الملك فيصل,جامعة الدمام - عرض مشاركة واحدة

النَّدَىٰ · 2017- 1- 10

أهلاً

بما أنِ خلصت .. احس اني لازم اخذ الموضوع جد

اقتباس:

المشاركة الأصلية كتبت بواسطة كنوزه

وأنا مثلك من الإجازه وأنا أحوس و و
وقررت أسافر أتعلم على الأقل 6 شهور بالإجازة
يعني قبل دخول الماستر بس للحين نحسب التكاليف والله ييسر الأمر ..

< عادي أسأل وش التخصص الماستر اللي حبيتيه .؟

ايوا يا قلبي عادي

حابة تخصص "ريادة أعمال" في جامعة نوره ..

و برضوا فيه ماجستير "إدارة مستشفيات" في جامعة الفيصل << حابته لان اللغه اللي تعلمتيها ماراح تروح منك تصيرين تمارسين اللغتين "العربية و الانجليزيه" بإستمرار

^
هذولي التخصصات اللي اعجبتني مررره بس .. غير انهم يبغون توفل و آليتس تكاليف الدراسه فيهن عااااليه جداً على اللي شفته و سمعته و "الوضع المادي حاليا ما يسمح" .. علشان اوصل للي أبيه يبغالي شغل

اقتباس:

طريقتي
استماع لافلام الكرتون الاجنبية على اليوتيوب
اقرأ بعض المواضيع من الاعضاء بالمنتدى
اقرأ قصص قصيرة من برنامج حملته ع الجوال
اترجم جمل وكلمات بشكل يومي

تقريبا لي اقل من شهر
ويارب توفيقك

حملت مره تطبيق تسوين محادثه مع واحد "يتكلم إنقلش" و هو راح يساعدك في مشكلتك الخاصه في اللغه سواء في تركيب الكلمات أو في الاملاء أو .....إلخ

شرحت له مشكلتي

قال لي لازم تحفظين اول شي الكلمات يعني "لازم يكون عندك مخزون لغوي عالي" قعد يعدد لي كلمات هذا تعرفينه و لا لا << متعب التطبيق على اللي مثلي علشان اتواصل معه لازم اروح لقوقل و اترجم

.

فكرت وقتها في طريقة تعلم الأطفال .. علشان يعرفون يتكلمون لازم يعرفون مسميات الاشياء،هذا إيش و هذا اسمه كذا ...إلخ و لازم يسمعون كثييير

^
ما أفضل الأفلام و إذا طالعت فيلم لازم يكون على مستوى يعني ما احب ينتهي الفيلم و انا ما استفدت منه "مجرد تضييع وقت"

اقتباس:

اللغه تعلمناها من خلال عملنا مع الامريكان والكنديين والانقليز
والفلبينيين ...مشكلة اللغه اذا مامارستها مع ناس يتحدثونها يوميا ماراح تتعلمها ولاتتعلم النطق الصحيح لها مع التركيز على مسألة الكتابه انا اشوف معانا ناس كثير يتحدثون اللغه الانجليزيه بطلاقه ولكن لايستطيعون الكتابة بها
ومشكلتها الثانيه اذا انقطعت عنها تنساها

إيوا فيه قصص كثير ناس ما يعرفون اللغه و اتقنوها من ممارستها مع أصحاب اللغه
مثل ابو صاحبة أمي .. توظف في أرامكو و هو ما معه إلا شهادة إبتدائي من دخل ارامكو ما شاء الله اتقن الإنقلش

اقتباس:

ما انصح بالمعاهد هذي اسوأ غلطه ارتكبتها رغم ان المعلمات اجانب لكن ندمانه على كل ريال اندفع ما اعطوني اكثر من اللي عندي ! في كتب رائعه روايات تعليميه من اكسفوررد و بينجون موجوده في جرير ولو بحثتي في قوقل عن بينجون ريدرز في مجموعه كتب مجانيه تحملينها ! الممارسه مثل ما قال الاغلبيه مهمه بالنسبه لي ما اعرف وين ! في تطبيقات مجانيه على الجوال و التابلت تعليميه حلوه لا بأس ! في مواقع تعليميه مثل انجلش تاون جربت مستوى بس ما استفدت كثير ما اعجبني ! اذا عندك القدره سافري لأي بلد بالخارج و الممارسه اهم شي ! هنا اذا تكلمت بالمستشفى او المطعم بالانجلش جاوبوا بالعربي :( و اتمنى في احد يفيدنا ! سمعت عن تطبيق كامبلي معلمين اجانب و محادثه بالانجلش بس ما جربت لإنه بفلوس و حاليا نمر بفتره تقشف :) نتظر البقيه يفيدونا بتجاربهم

أسافر ..!

هذا انت قالتها مرحلة تقشف

لو بيدي اسافر كان سافرت من زمااان

المعاهد صارت ما تفيد الحين همهم الأول و الأخير صار مادي بحت

اقتباس:

داخله عشان اكتب نفس الموضوع طيباحد بيعرف دورات اون لاين حتى لو بفلوس انا مشكلتي مابقدر اطلع من البيت بحسب ضروف شغل زوجي مافي احد يوديني لقيت التطبيقات بس متل ماحكو الاخوان مابستمر عليها اما لما يكون في احد يعلم غير بنربط وبضطر اتعلم ياليت لو احد بيعر ناس بيعلمو ع سكايب مضمونين او اون لاين مايبخل علينا

لا والله ما اعرف أحد ..

اقتباس:

أنصحك تجيبين عندك للبيت مدرسة ثانوى تدرسلك كل الأساسيات تعطيكى دروس كأنك بالمدرسة عن تركيب الجملة والضمائر والقواعد وهذه طريقة مضمونة مائة بالمائة حتى لو تعطيكى 6 أشهر ، واجبات وتدريبات وتتحدث معاكى بالإنجليزية ...فعلاً راح يطلع مستواكى جداً

جربت يوم كنت في الثانوي ... الصراحه أبداً ما فادتني ، صح رفعت من درجاتي بس ماحسيت انها غيرتني ١٨٠ درجه او حببتني في الماده تفتحت الكتاب تشرح و تختبرني على شرحها و تطلع ! ..

و للأمانه اللغه صايره لي مصدر "رعب" أشييل همها

يوم كنت في المتوسط كانت معلمة الانجليزي "اولى و ثاني متوسط" مثل العسل حتى مره تعبت و جيت اختبر و انا تعبانه جبت ٧ من ١٠ جتني سألنتني ليش جبت هذي الدرجة و عادت لي الإمتحان حتى وقتها الكل عارف اني كنت كويسه في اللغه كانوا يقولون لي "بتطلعين مثل عمتك شاطره في الانجليزي"

حتى تغيير المعلمه في ثالث كانت جداً دقيقه بشكل فضيع من بعدها صار مستواي في الماده سيء رحت للثانوي و ما تغيير شي

اقتباس:

فكرة الأفلام الأجنبيه والكرتون فكرة ممتازة ... بتسمعين المحادثة وتطالعين الترجمة ... كل مرة بتتحسن اللغة عندك

و هذا اللي راح اسويه ان شاء الله ما دامني خلصت

،

فكرت اني اخذ دبلوم انجليزي .. و هذي الفكره الصراحه خذه إهتمامي .. بس خايفه "اني ما امشي فيها أو ما تفيدني كثير او ما تفرق معي سواء خذت دبلوم او مخذته كله واحد!" وش رايكم؟