الي يقهررررني انه في المحاضرات يقرأ قراية جريده من المحتوى !!! وكأنه يحسسنا انا مجبور اقرأ المنهج ! ويأتي يؤكد في المحاضرات المباشره الاختبار سهل وهذه عقيده الكل يعرفها ووو ويخلي الشخص يدخل واثق بسهولة الاختبار ويقول المذاهب مرور الكرام مروا عليها ويجي في الاختبار يخلي العقيده الي هي فوق ٨ او ٩ محاضرات يمر عليها مرور كرام ويجعل اكثر من نص الاسئله عن المذاهب !!! طيب قووووول احفظوا كل شي وماراح اترك صغيره او كبيره عاااد وقتها كل شخص ذنبه على نفسه
اقسم بالله كرهته هالدكتور ويجي في المحاضرات المباشره يسوي الظريف الطيب وووو طيب وين طيبتك في الاختبار !! الاختبارات الي راحت اسهل يعني حرااام الواحد يضيع درجات على ماده سهله مثل ذي
(( مشكلة البعض مو فاهم نقطه مهمه سوا من الطلبه الي يجي يتفسلف هنا يقول سهل الاختبار طيب انت كانت ظروفك افضل وحفظت كل شي غيرك مافعل مثلك او سوا من الدكاتره الي يجي يسوي تمويهات في الاختبار ويجيب لك الخيارات كأنه ٤ اشخاص توأم ويقول اختار منهم )) النقطه المهمه ان تخصصنا ليس دين مثلآ ولا غيره هو تخصص اداااااره يعني لما يتخرج الشخص لو داخل عشان وظيفه مثلآ ماراح احد يساله الفرق بين البهائيه والقاديانيه لعنهم الله جميع ولا راح يسأله عن امور سخيفه موجوده في مناهجنا اثق ثقه بعد شهر الكل ينسى المعلومه عنهم وليس هذه المذاهب اهم من الخوارج لعنه الله
ادارة الاعمال لها تخصصات كثيره وتخصصنا اداره شامل فيأخذ من كل شي نبذه او امور مهمه وبعض المواد مجرررد تثقيفيه مثل الصحه واللياقه او العقيده اواواو فلييييش يجي الدكتور مثلا في الاختبار يسوي البطل الي يستعرض عضلاته في مادته على اساس تعب في الشرح اكثر الشروحات تسجيل لسنوات قبل او على اساس فتفيدنا في امور حياتنا
والبعض يريد الشهاده فقط ليتطور او يترقى في دوامه يعني الوضع انا مستغررررب من بعض الجهله الي مو فاهم هالنقطه ياحبيبي بعض المواد مجرد ثقافه عامه لنا ليش يجي الدكتور يسوي فيها في الاختبار سهل الامور الله يسهل دربك والكل بيكون مذاكر وفاهم مايحتاج تأتي بآمور بين السطور او تجعل الاجابات متشابهه نقول ٣ او ٤ اسئله عشان الي ياخذ الدرجه كامله يكون ذاكر زين مو نص الاسئله او ربعها !!!
اعبر من القهررر بصراحه مثلا حرااام اجيب في العقيده درجات اقل من المحاسبه مثلا او الاقتصاد مع ان اختباراتهم كان فيها صعوبه ومن ناحية الاقتصاد اقلها الدكتور يشررررح زين ويفهم مو مثل البارد هذا حق المحاسبه الي يجيب المرض والهم والغم تتابع محاضرته تتمنى تنتهي والله مستغرب كيف يكون دكتور ويشرح للطلبه الله لايبلانا
لكن الحمدلله على كل حال ننتظر النتائج ونشوف