المشاركة الأصلية كتبت بواسطة عزف

بعض الطلاب فاهمين انهم انتساب يعني لازم تصير الاسئلة سهلة ونسخ لصق من الاعوام السابقة ولو الدكتور ماعمل كذا معناها ما يراعي الطلاب
من ناحية ثانية الجامعة تشوفنا طلاب حالنا حال الانتظام
دكتور يشرح وعنده منهج واسئلة اختبار من المحتوى
مو ملزم الدكتور يجيب اسئلة سهلة بس لان النظام انتساب
ولا يحق للطالب يطالب باسئلة سهلة فقط لان ظروفه ما تسمح
هذي الامور مو موجودة بنظام الجامعة

فيجيك الطلاب من باب الاستعطاف للدكتور يعني كرر وسهل علينا واحذف وحنا عندنا كذا ومانستوعب ومن ذا الكلام
حسبالهم اذا قالوا كذا بيحن عليهم
الا بالعكس بيقول هذي العينة بالذات ما ابيهم يتخرجون بيحط اسئلة على مستوى طلاب الانتظام
صحيح نكتب بالمنتدى كانطباع ان الاسئلة مكررة
بس مافيه دكتور يجيب اسئلة نسخ لصق
شيء طبيعي يكرر لان المنهج نفسه
فوفروا ع حالكم هذا السؤال طالما المنهج نفسه والدكتور نفسه مضطر يكرر من وين يجيب اسئلة يعني
فلا تحرجون انفسكم وتطلعون حالكم بالمباشرة انكم ما تفهمون وانكم تبون شيء جاهز وتفضحون حالكم انكم ماتحضرون اصلا ولا تدرون وش المنهج