السلام عليكمــ ,,

أخواني / أخواتي

راح أتكلم عن شي جدا أستغرب منه وهو ( نرفع تظلم ) والشي الثاني ( الدعوه على الدكتور ) وب الذات هالترم بشكل واضح

أخي واختي ...

إذا ذاكرت الماده كويس من الملخص وترجع للأسئله والكويزات ماراح تلقى شي صعب بعد الله سبحانه وتعالى ,
لاكن أرى بعض الأشخاص يذاكر أسئلة الأعوام ولما يجي الإختبار غير مذاكرته يقوم يرفع تظلم او يسب الدكتور او يدعي عليه وبعضهم يلعنه الله يهديهم !!!! فيه ملك بكل دعوه تدعيها يقول لك ( ولك مثلها ) انتبه , وبعضهم يقول احنا موظفين ومشغولين لازم تراعونا !!! الأغلب فينا موظفين وفيه م شاء الله أباء وامهات ومن الأوائل ومراتب الشرف ترا أحلى شي لما تجيك الشهاده بيدك وتحس إنك شديت وبذلت مجهود وتعبت

وفقني الله وإياكمــ
وآخر شي بقوله ( لكل مجتهد نصيب ) ودمتم بخير


أخوكمـ .. احمد