السلام عليكم ورحمة الله وبركاته
بدايه احب اعتذر عن مشاركاتي القليله معاكم
لكن الموضوع يفيد اللي بعدنا وان شاء الله ما نقصر معكم
احب ابدئ رائي..
مقارنة في اجتهادي المعتاد في كل ترم
اعتبر أن هذا الترم أصعب ترم على سهوله وجمال مواده
اللي يطمح دائما لأعلى الدرجات ويهمه جدا المعدل
الله يكون في عونكم هالترم
باختصار..
لاتتهاونون في اي ماده وش ما كنت سواء كان المنهج قصير أو سهل
الدكاتره انا اعتبرهم هالترم (وهذا رائي الخاص)
جدا غير متعاونين وصعبو الاختبار علينا قدر الإمكان
يعني احتمال كبير تبدئون من الان وتنصدمون من الواقع!
التركيز +المذاكره مبكرة + عدم تضييع اي يوم من الان للاختبارات جدا مهم
الاسئله قليل جدا جدا اللي مكرره
ما اقول لا تقرئون أو تحفظون الأعوام
لكن اقول لاتعتمدون ابدا ابدا عليها
1 متابعه المحاضرات للدكتور
2 فهم وحفظ المنهج 100%
3 التركيز على كل سطر وكل كلمه
4 وميزة هالترم ركزو على سبيلنق الكلمات في كل المقررات جدا هالترم ركزو على السبيلنق وتركوا كل شي
5 لاتحذفين أو تتهاونون في اي مقرر حتى لو قال لكم الدكتور لأنه راح يجي الدنياء ماتطري على البال
وايضا في كم مقرر جميل والدكتورة متعاونين والأسئلة جائت معقوله ومفهومه ولو فيها تحدي أن الطالب ما ياخذ 100 % !!
مثل النقد الادبي- المسرحيه- علم اللغه الاجتماعي
من أجمل الاختبارات لكن نظام تطلع و100 % ضامنها هذي مستحيل
بداية علم اللغه الاجتماعي
الاسئله جدا واقعيه واصلا المنهج مره جميل وممتع وشرح الدكتور جدا جدا بطل مافي حسافه لو تابعتو محاضراته
علم اللغه النفسي للأسف ما كان بيدنا اي نموذج للأعوام عشان نعرف طريقه اسئلته! فا انكبنا لأن الاختبار كان معتمد على فهمك وجاب اسئله جدا غامضة وتحلها على توقعاتك من فهمك!! مع انو برضو المقرر كأن جميل وسهل بس صعبه علينا الله يسامحه!!
الفريدان وما ادرائك ما الفريدان
لا شرح زين إلا ملخص زين ولا اختبار زين
الإنسان هذا داهيه ويحب يستهبل ب السبيلنق وطريقه وضعه للأسئلة
للأسف مايسال عن المنهج كثر ما يحب يحط خيارات مبهمة إذا ما عرفت ترجمه الخيارات ممكن ماتحل لأن السوال واضح وراح تفهمه بس ممكن ما تلقى ب الخيارات الاجابه اللي انت تبغاهاا!! كل خياراته تجي غريبه وغامضه
اطبعو كل الملفات اللي له وانصحكم ب ملف اي سي اللي جامع الأعوام وموضح فيها كيف طريقه في وضع الاسئله هالشي راح يفيدكم ماتنخرعون في الاختبار😂😂
النقد الأدبي والمسرحية مناهج كثيفه معلومات كثيره لكن بدون اي تعقيد الاسئله واضحه والاجابات تأشر لك انا هنا انصحكم تشوفون الأعوام بعد ما تختمون
الترجمه الإبداعية 😭😭😭
مقرره متعب وكثير بس جميل لكن الاختبار تعقيدي لاتعتمدون ع الأعوام فقط شوفو اسئلته لأنه يغير الخيارات ويلعب في طريقه وضعه للسوالف
النظام الاجتماعي في الاسلام
المقرر الوحيد اللي رفعت عليه تظلم! الاسئله ماكانت صعبه كله موجود من المنهج لكن ممكن تشوف السوال كلمه! والخيارات كلها صحيحه !!
اسئلته اسمحوا لي اوصفها بالغبيه (غبيه جدا) تحتاج لانسان ما قراء حتى المنهج اي ممكن يحل ويا انو بزر كاتبها لأن ما راح تفهم شي! يا انه من جد من جد يستهبل طبعا الدكتور قبل الاختبار بكم ساعه اختلفوا الطلاب في حل بعض الاسئله وللأسف لما ارسلو له الغالبيه عطاهم الجواب الخطأ!!! يعني الدكتور بنفسه عجز يفهم هو بسؤاله وش كان يبي جواب😂
أن شاءالله عطيتكم شي مفيد استمتعو واجتهدو وان شاء الله تكون الاسئله لكم أفضل مما كانت عليه
وفقكم الله جميعا