|
رد: عطونا نصايحكم في المستوى الثاني
اقتباس:
المشاركة الأصلية كتبت بواسطة des_fahod
في البداية ابي اقول اني انا راح اتكلم عن نفسي في هالمستوى
يعني ممكن تكون ضروفك غير ضروفي.. ووضعك غير وضعي
انا للاسف هالسمستر مريت بشوية ضروف خلتني اتراجع شوي بالمذاكرة عكس المستوى الاول
اللي كنت متحمس فيه جدا.. مع انو القبول جاني متاخر جدا.. قبل الاختبارات تقريبا بشهر ونص
لكن كنت مره متحمس وانعكس هالشي على نتيجتي بالاختبارات..
هالمستوى للاسف زي ماقلت مرت علي ضروف خلتني اقل حماس
ولكن بفضل الله حاولت اتخطاها واسوي اللي علي والتوفيق على رب العباد
بنسبة لـ
مادة الاخلاق الاسلامية واداب المهنة
المادة جدا سهله وسلسله وجميله
عن حياة الرسول والصحابة
وكيف ان الشخص يحاول يمشي على خطاهم
يعني بختصار المادة لو تقرها فقط مع شويية تركيز بسيط راح تفهمها
والدكتور ماشاء الله.. الله يجزاه خير.. شرحهه وافي وكامل وواضح
مادة المحاسبة2
المادة بصراحة تعتمد على المحاسبة1 اللي هي الاساس في المستوى الاول
يعني اذا مافهت المحاسبة1 راح تتعب بالمحاسبة2
طبعا انا للاسف اتوقع اني راح احمل المادة هذي
مع اني كنت جايب في المحاسبة1 درجة مرة عاليه اللهم لك الحمد
والفضل يعود بعد الله لدكتور سابق اسمه عبدالرحمن المحارفي شروحاته موجوده في اليوتيوب
لاني بالمحاسبة1 تابعت مع الدكتور تبع الجامعة الى منتصف المنهج وبعدها ماقدرت اكمل معاه.. وقبل الاختبار بـ3 ايام تابعت مع الدكتور المحارفي المنهج كاامل وبشكل مكثف
( كرفت نفسي كرف) وفهمتهه صح
ولكن للاسف فهمي كان لغرض الاختبار فقط.. يعني بعد الاختبار نسيت كل شي
ولما جيت ابي ادرس محاسبة2 اكتشفت اني ناااسي كل شي في المحاسبة1 .. وهالشي خلاها جدا صعبه علي.. بالاضافة ان الدكتور اللي الجامعة حاطينه
للاسف اسلوبه بشرح مايشجع يجيب (النوم).. ولما بغيت اكمل مع الدكتور المحارفي اللي باليوتيوب اكتشفت انه المحتوى اللي هو يدرسه يختلف عن المحتوى اللي بالجامعة شوي
مادة الاقتصاد الكلي
انا كنت اتوقع انها ترتبط بالاقتصاد الجزئي اللي بالمستوى الاول وكنت ناوي اجلها بس الكثير قالي انها اسهل بكثييير من الاقتصاد الجزئي
وللامانة فعلا المادة اسهل بكثييير جدا..
لكن مشكلتها انها دسمه شوي وغنية بالمعلومات
وفيها شوي قوانين لازم تفهما
والدكتور جديد وللاسف اسلوبه كان يعتمد بالمحاضرة على ( الصراخ ) كان مزعج
المادة وانت تذاكرها ممتعة لكن بالاختبار للاسف كان فيه تلاعب بصيغة الاسئلة + من بين السطور
يعني اذا كنت حافظ فقط راح تتعب.. لازم تحفظ وتفهم..
لكن مع ذالك ارجع واقول المادة جميلة جدا
اللغة الانجليزية انا اجلته واخذت مادة اخرى اسمها اساسيات البحث العملي مستوى رابع
المادة تتكلم عن كيف تسوي بحث وكيف تسوي استبيانات وكيف تدرس بعض الحالات
المادة سهله جدا.. حتى وقت المذاكرة للاختبار جدا سهله .. المعلومات تقريبا عامه ومرتبطه ببعض
لكن الدكتور الله يسامحه
فالاختبار جاب اسئلة للامانة وانا احل حسيت انها لمادة ثانية
ولما خلصت اختبار ودخلت المنتدى لقيت ان بعض الطلاب يقولون
ان الدكتور جديد طبعا.. وجاب لنا اسئلة من اختبارين سابقين لدكتورين مختلفين لمادة مختلفة.. ولكن قريب من مادة اساسيات البحث العلمي مايحضرني اسمها
جمع هالنوذجين مع كم سوال من مادة اساسيات البحث العلمي وحطها بالاختبار
انا كنت ماخذها ع اساس ترفع المعدل .. لكن المهم الحين انجح فيها.. هذا يكفي
مادة تقنية المعلومات
الدفعة اللي قبلنا خوفونا من الدكتور.. وقالو ان المادة سهله لكن الدكتور اسئلته صعبه جدا .. من بين السطور
لكن لما اختبرت.. للامانة طلعت الاسئلة جدا سهله وواضحه
المادة سهله وتعطيك الاساسيات بالحاسب الى برامج الاوفيس ( وورد واكسل )
يعني نصيحة حاول تستفيد منها جدا وخلها فرصه لك اذا ان ودك تتعلم
واتوقع ان الدكتور مره قال ان هالمادة ترشحك لانك تاخذ شهادة اسمها icdl الرخصة الدوليه .. طبعا الشهادة مو من الجامعة
من اجمل وامتع المواد كانت بنسبة لي في هالمستوى وراح يكون فيه لها تكلمة بالمستوى الثاني..
فحاول انك تستوعبها من البداية علشان ماتتعب بعدين
مادة العقيدة الاسلامية
ماتختلف عن مادة الاخلاق الاسلامية في السهولة والعمومية
لكن طبعا هالمادة تتكلم عن عقيدتك كمسلم وعن اركان الايمان ونواقضه وعن توحيد الربوبية والاولوهية والاسماء والصفات
وبعض العقائد الثانية مثل العلمانية والماسونية والبابية وغيرهم
المادة حلوه وتعتبر كثقافة عامة
عيبها الوحيد الدكتور وللاسف
في المحاضرات المباشرة كان فقط (يسولف وينكت)
وكان يقول راح اجيب لكم نماذج للاسئلة ولاجاب اي شي
وكان يلمح انو لا تركزون كثير على المحاضرات الاربع الاخيرة اللي تتكلم عن المذاهب الاخرى.. لاني ماراح اجيب اسئلة كثير عنها
وللاسف وبكل صراحة (ضحك علينا)
جاب اسئلة كثير من هالمحاضرات اللي ماركزنا عليها
مادة الصحة واللياقة
هي بعد مادة سهلة وعامة ومفيدة بنفس الوقت
تحتاج منك بس شويت تركيز
والدكتور كان يشرح بشكل مستفيض علشان الكل يفهم
اسئلة الاختبار كانت سهلة الى متوسطة واحيانا صعبة شوي
للامانة توقعت انه راح يكون اسهله اختبار يمكن يمر
لكن للاسف .. بس مو معناته انه كان صعب.. بالعكس
واخيرا
هذا رايي بشكل عام بمقررات المستوى والدكاترة
لكن اعيد واكرر .. هذا الكلام كان من منطق ضروف انا مريت فيها يمكن انت ماتمر فيها
فلا تاخذ كلامي انه هو المقياس الاساسي لهذا المستتوى
بالعكس يمكن يكون اسهل سمستر يمر عليك
لكن بشكل عام
ذاكر اول باول ولا تهمل ليين وقت الاختبارات باسبوع وتجي تقول ابي اذاكر
ماراح تقدر وكل شي راح يكون عليك اصعب من الصعب
ذاااكر من بدداية الفصل اول باول
ساعه باليوم تكفي وزيادة بعد على هالمواد
ماعدا مادة المحاسبة2 والاقتصاد الكلي تبي وقت شوي اكثر
الله يوفق الجميع واسف على الاطالة
|
ماشاء الله شهادتي فيك مجروحه ماقصرت ابدعت كفيت وفيت يابعد راسي
وبإذن الله تنجح في المحاسبة 2 وتحقق ماتتمنى انا سعيد في ماقلت شاكر لك
ومقدر ربي يسعدك ويوفقك انت والزملاء اللي افدتونا بالنصايح 
|