|
رد: إنطباعك قبل و (بعد) الإختبار النهائي لمقرر إدارة التغيير والتطوير
السلام عليكم ورحمة الله وبركاته
يعطيكم العافية وفالكم التوفيق والنجاح يا رب كلكم
انا ذاكرت المادة كاملة وفهمتها، الشي الصعب في المادة كان تداخل المعلومات وتشابها من خلال التعاريف وكثرتها بنفس الوقت.
طبعاً مو هنا المشكلة، لأن بالنهاية أنت امام منهج ولازم تذاكرة، المشكلة ان المدرس استخدم اسئلة التشكيك بالإجابة، وكان هدفة التأكيد على مدى فهمك وقوة مذاكرتك.
يعني انا مثلاً لما اختار جواب لبعض الاسئلة ألاقي السؤال اللي بعده عن موضوع ثاني لكن يحمل نفس الإجابة !!!!! هنا يخليك نشك بنفسك وبفهمك وترجع تقرا الاسئلة مرة واثنين وثلاث وتمسح وتشطب وتعدل وبالنهاية الجواب واحد، لكن طريقة اسئلته هي اللي شككتك بنفسك وبحلك.
ولو لاحظتوا غالباً يخليك تحتار بين جوابين بنفس السؤال، طيب من وين جا التشكيك؟ من اسلوب الاسئلة اللي ركز فيها على مواضيع معينه متشاهه بالمعنى ومختلفه بالمصطلحات، مثل سؤال الواقعية والرشادة مصطلحين مختلفين والجواب واحد. وهذا الاسلوب مو مفروض يطبقه على طلاب البكالوريوس والتعليم عن بعد تحديداً لأنه اسلوب ماستر، واذا بيستخدمه على الأقل على سؤالين ثلاثه .. مو على الاختبار كامل.
باختصار لو كان نوّع الاسئلة وعدد الاجوبة من كامل المنهج كان الكل بيتجاوز المادة بسهولة لكن الاستاذ للأسف صعبها وتعمّد تصعيبها من خلال اسلوب وطريقة الاسئلة اللي استخدمها.
عسى الله يوفقنا وياكم ونعديها يا رب.
|