اتذكر كان يقول البلد ومالبلد يعني متطلبات اتقان المادة والخ من هالامور يابوي كان راعيت ظروفنا واحنا ننجاز منا للدولة نتوظف او مانتوظف على رأس العمل او مو على رأس العمل الارزاق بيد الله مو بيد البشر لكن المصيبه ان مستقبلك يوقف بسبب يد بشرية مستقعدة لك وواقفه لك مثل العظمه بالبلعوم هنا ايش مطلوب وايش الفايدة غير الدعاوي الي تجيك من كل حدب وصوب يدعون عليك مايدعون لك وفوق كل هذا ظلمت ناس كثير وهالناس باتو مظلومين وهم يدعون عليك ويتحسبون عليك ايش استفدت ؟؟تتعذر بالوظايف الامور هذي تعتبر ارزاق بيد رب العالمين ومحد ياخذ غير رزقه من انت حتى تخمن وضع الرزق بمهارة الطالب او ارتكاكه او فشله حتى بالمحاولة يااخي ناس تخصصهم ادبي يعني دخلو وهم مو عارفين بالعلمي الا رؤوس اقلام ويبغون البكالوريس لظروف متعددة ومختلفه والله اعلم بكلن وظروفه وانت تتعامل مع هالفئة بشكل دوني بطريقة مؤدبة بالتعليم من خلال الاختبارات اذا ماتبغون خريجين ادبي ليه تقبلونهم من الاساس وتدفعونهم فلوس والله اعلم كيف تحملو وايش عملو عشان يدبرون مبلغ هالترم ناس مرتاحه وناس تكرف وناس مو لاقيه وتتدين عشان تسدد الاترام وناس على الاعاشة وناس على جمعيات خيرية ناس تدرس تبي شهادة تبحث عن ترقيه تبحث عن وظيفه افضل راتب ناس تتعلم تبي باكلوريس لظروف كثير الله اعلم بها انا حسيت باختناق وقهر وغبنه وعندي ظروفي ومحد يعرف ايش تحملت وايش صار معاي الا ناس معينه واهل الاختصاص مافادتني بشي يذكر وبعضهم حتى مايرد او يخليك بين نارين افضلهما حضورك وتحملك حتى لايروح عليك ترم كامل كلن له ظروفه بعضهم ينحت الصخر حتى يوفر مبلغ ترم وبعضهم ماهو لاقي ومتوهق ومأجل وبعضهم انسحب ياعالم ترى من سهل على المسلمين ربي سهل عليه ويسر امره ومن عسر عليهم راح يلاقي عسرته يابدنياه او اخرته وكلامي موجه لكل مسؤول بالجامعه ترانا في ذمتكم ترانا امانه وضعها رب العالمين بين يديكم ترانا حجه ياعليكم او معكم امام الواحد الاحد الفرد الصصمد بيوم غير هاليوم لاتحملونا مالاطاقة لنا به الله اعلم بظروفنا وايش تحملنا والله اني ابكي قهر ومانمت ولكن فوضت الامر لله اعلم ان لكل مجتهد نصيب ولكن اتوقع محد دافع فلوس ويتحمل مشقات السفر وغيره من الظروف سواء على الدارسين او اهاليهم او ازواجهم عشان يجي ماذاكر او يجي يستهبل ويلعب بالاختبارات طبيعي بنجي مذاكرين ومستعدين لكن لكل شخص قدرات وظروف وبعضهم يجي مواصل اما اطفال او مواليد او وفيات او ظروف اكبر او عنده من ظروفه الي يحاول يتحداها ويتحمل قد مايقدر عشان هالشهادة اتقو الله فينا رسالتي هذي انا متأكدة ان الدكتور بيقراها وغيره الكثير من كادر الجامعه راح يقراها وماوضعتها بالمنتدى الا وانا اجزم ومتأكدة انهم مطلعين على كل شي وشايفين كل شي وعارفين كل شخص هنا انا كتبتها بحرقة وقهر وغيري كثير بيوافقوني وبعضهم ممكن مايعجبه لكن الاكثرية مؤيدة وبتأيد رسالتي هذي لان الكثير من الدارسين والدارسات يشتركون بظروف كثير وبالاخير مااقول الا الله يكتب لنا الي فيه الصالح والخيرة