المشاركة الأصلية كتبت بواسطة 2COOL

[ALIGN=CENTER][TABLE1="width:95%;background-image:url('https://academy.hsoub.com/uploads/monthly_2015_05/02_Background_Black.thumb.JPG.b46a52071f7601889717 086891973745.JPG');"][CELL="filter:;"][ALIGN=center]

الـ♥ـب شايب والفراق ابنه العاق
والوصل غاية والقصايد وسيله

اثر المفارق له علاقه بالأخلاق
ويقصر طويلة صدر راعي الطويله

مافيه ادجّ من الهواوي ليا ضاق
من ضيقته حتى الطفل يشتكي له

ياللي غضبت وكانت حلولك فراق
الغيض ولعه والمجادل فتيله

ابليس للفتنه وللشر سبّاق
يشبّها بين الخليل وخليله

العين مايغدي بها كل برّاق
والأذن ماكلّ الحكي ترتخي له

راعي الكلام يزّود الطاق بالطاق
يحكي بشخص وياصله ويحكي له

لو شفت وش قيمة غرامك بالأعماق
ماطعت .. لو لاموك فيني قبيله

وشلون صوتك ناعم وعودك دقاق؟
والوجه ياحلوه وياحبني له

وحملت في قلبك حمول ٍ ماتنطاق
وشلون شايلت الحمول الثقيله ؟

وأنا احسبنك طيّب وقلبك رقاق
يامدرّس فنون القساوه لجيله

رح والشقا على الهواجس والأوراق
ياللي عقب فرقاه .. شوقه بديله

طال الغروب ولااشرقت شمس الإشراق
واقفت ركاب الرجعه المستحيله


أشتآاق ..
وأدري ماانت راجع لو أشتاااق
مير العوض بالذكريات الجميله

[/ALIGN][/CELL][/TABLE1][/ALIGN]