جا صباح الحزن يا ليل التحدي
عارفٍ صبحي قديمه هو جديده

ما ورا التّـنهـيـد ضيقـااتٍ تـعـدّي
وما ورا الضيقات شيٍ تستفيده

أنت ! يا اللي غيبتك ظلم وتعدّي
حي ! لكن في نظر عيني فقيده

كل دربٍ مـا يجـيـبك .. مـا يـودّي
غير للحرمان .. والياس وقصيدة !

عاشقك من كثر حزنه ، وش يبدّي ؟
ما ذكر في غـيـبتك لحـظة سـعيدة

أنت وظروف الزمان المر .. ضدّي
أنت يا عندك .. وهي مثلك عـنيـدة

الليـاالي في غـيـابك .. ما تـهدّي
والعمر لو راح ، قلي:وش يعيده ؟

صرت احس العمر ياخذني بيدّي
للضّيـاع .. ورحـلةٍ عـنّك بـعـيــده

ما لقيت من التعب مخلوق قدّي
خطوتي في رحلة احزاني وحيده

كل دمعة لامست بالحزن خدي
ما اعتبرها ميّـتة ! لكـن شهـيـده

وانت .. مع شكري وتقديري وودي
لا تضايق .. لو تبكـيّك القـصيده