2017- 1- 21
|
|
أكـاديـمـي
|
|
|
|
ريح بنّ وهيل ..
-
-
حبيبي وأنا أقرب من دموعك على المنديل
ترى أذوق موتي كل ليلة ولا تدري
كأنه يوصيني على خاطرك جبريل
وأنا يوم احبك واتحاشاك من عذري
كريمٍ عسى الله مايحطّك بيدين بخيل
قبل ما يحطون النصيبه على قبري
حفظتك بعينٍ ماتشوف الشقى والميل
وأنا ودّي أحفظ دمعتين الشقاء وأزري
على شان عودك لا تمايل يا مال السيل
حذفت الكدر كله ورا عودك المبري
يشدك حنين النوق وإلا صهيل الخيل
وأنا اللي غناي أصدق من السجع فالقمري
ويغرّك غلا إمك لك وإذا إمك تحبّك حيل
على كثر ما حَبّتك , " ما حبّتك كثري "
تمرّ السنه وأعدها كل يوم وليل
وأنا مابخلقت إلا على يوم من عمري
ذخرته مثل مايذخر الساري القنديل
إذا ماتغافله الظلام وسرا بدري
مدام السماء صدري وفيه الجدي وسهيل
علام الطيور العابره ضيَقت صدري
حزين وتمادى الحزن مابين حطّ وشيل
حملت الجمل فيما حمل وانحنى ظهري
أهز الغصون اليابسة والليالي حِيل
عسى الله يواجرني على حظّي الفقري
ويهب البراد اللي معه ريح بنّ وهيل
لو إني كبرت وشايل الجرح من صغري
|