السلام عليكم
المواد العلمية اللي فيها قوانين حلوه وممتعة وسهلة المذاكرة اذا تابعت الشرح اول بأول وفهمت كل قانون وحليت علية اسئلة
لأنه ما يختلف شيء في الاختبار الا الارقام وطبق القانون
تو اختبرت المادة هذا الترم واخذت فيها 100 ولله الحمد
طريقتي في المذاكرة :
1- اتابع كل محاضرة للدكتور والملخص امامي وافهم كل نقطة يقولها واذا ما فهمت شيء اذهب لمحاضرات الدكتور فرحان واحاول اجد اللي ما فهمته واتابعه مع الدكتور فرحان
2- كل محاضرة في اخر المحاضرة استخرج القوانين الجديدة اللي اخذتها في المحاضرة
3- اثناء الترم من بدايته واول بأول مسوي جدول كل يوم اذاكر محاضرتين او ثلاث وكل محاضرة من مادة مختلفة ( على حسب وقت فراغك )
4- المحاضرة الرابعة عشر الاخيرة ( اللي يقولون فيها الطلبة انهم ما استفادوا منها شيء ) بالنسبة لي ثبتت لي الكثير من المعلومات وكيفية حل المسائل
5- بعض الطلبة ما يعرف يستخدم الالة : يعني اذا مثلا بيستخدم قانون مكون من بسط ومقام ومثلا البسط مكون جزأين والمقام مكون من جزأين يجب عليك ان تضع البسط بين قوسين والمقام بين قوسين حتى يطلع لك الحل صحيح , لان بعض الطلبة يعرف القانون ولكنه يخطيء في كيفية حسابه في الالة وما يتوصل للحل الصحيح
الله يوفق الجميع