|
رد: ما بين البّال والطّاري.
السلام عليكم .
من أقرب بناتي لي :
تعقّد الحزن فـ حجاج الوحيد الحزين
اللي عيونك تخلّت عنْه يوم اسفهل !!!
وترك لك براحتينه دمعة ، وكلمتين
هذا بعد غير دمعٍ ماسمح له يهلّ
لو انه اخطأ معك والعذر ماجاء سمين
عند الغضب تعتري الانسان حالة جهل
اي والله انّه يشوف رضاك جداً ثمين
ماكنّه الا التلاحم فـ اجتماع الاهل
سهلّ طريقك لـصدره وانتي بترحلين ؟
هذا وهو شاااعرٍ مبدع وماهو سهل !
وهذا وهو للحمول الكايده منكبين ؟
كم شال حزنك على منكب جواد وصهل
وهذا وهو ما يشابه باقي العاشقين ؟
فيه طيش الفتوّه .. واتزان الكهل
مايذهلك لو يغنّي فيك طوول السنين
ولو يسمع اسمه بصوتك فز لك وانذهل !
يتأملك من بعيد .. ابعد من الفردقين
ومن هول ماشاف قام يسبّح ويبتهل
يهبّ نسناس نجد الباااارد وتنحنين
ويلعب بخصلاتك النسناس على مهل
ويفوح عطرٍ يلّم المسك والياسمين
تحمّر منه السماء و يذوب منه السَهل
زعفران 
|