|
رد: كارينيو يعود إلى النصر
اقتباس:
المشاركة الأصلية كتبت بواسطة عيون سحاب
لا أتوقع نجاحه مع النصر وكأنك يآ بو زيد مآ غزيت !
زورآن خسآرة كبيرة للنصر و ستؤثر عليه بشكل سلبي ،
بالنسبة لي خرج النصر من المنآفسة في البطولآت إلى نهآية الموسم !
|
يا ساتر 
وش هالسلبية ذي 
النصر عنده نهائي يفوز فيه يحقق البطولة
وعنده كأس الملك
اما الدوري فابتعاده عن المنافسة ببركات من زوران نفسه
خسر من القادسية والخليج والاتفاق والتعاون وكلها أندية أقل منه بكثير وهو من يتحمل نتيجة الخسائر وابتعاد النصر عن المنافسة
نعم زوران مدرب جريء
نعم زوران مبتكر
نعم زوران ذكي
نعم زوران شخصيته نافذة ومؤثرة
نعم زوران افضل داعم للشباب
ولكن عنده أخطاء كثيرة
ومثل ما فيه لاعبين ساهم في بروزهم فيه لاعبين ساهم في انخفاض مستوياتهم
وازعجنا بعناده وتعصبه للكروات واللي كان اسبابها خسارة النصر للنقاط واخر مباراة كانت مع القادسية أسوأ اللاعبين كانوا شيعان وعيد بالاضافة للكروات
وأيضا عنده مشكلة عدم الاستقرار على تشكيلة
وغيرها الكثير
وسبب تعلق النصراويين فيه انه جاء بعد سباكين واجد ( كانيدا - داسيلفا - كانفارو )
بصراحه انا من أكثر الناس اللي تمنوا بقاءه وكنت مؤمن انه راح يتطور ويطّور النصر معه
ولكن دامه اختار الرحيل وفي هذا الوقت الحرج ( قبل انتهاء فترة الانتقالات بـ 3 أيام )
فهو شخص غير مسؤول وغير احترافي
ووجوده راح يزيد من المشاكل بينه وبين الادارة واللاعبين والجمهور
ورحيله كان أفضل خيار للجميع
وبخصوص بديله
أول شيء لازم نخفي كانيدا وداسيلفا عن أنظار الرئيس ونقطع كل سبل التواصل معهم
وبعدها يجي الكلام عن البديل واللي أتوقع باذن الله اذا ما كان أفضل فإنه ما راح يكون أسوأ من زوران
...
كارينيو 
من كثر ما أحبه ودي يجي
ومن كثر ما أحبه ما ودي يجي
|