إثبات الحضور أسهل بكثير من إثبات الغياب
وبصورة أعمق شوي: إثبات وجود شيء ما أسهل بكثير من إثبات عدم وجوده
مثلا: لو حبيت أثبت أن في شخص في العالم اسمه "شامان"، هنا راح أبحث في النت وغيره وأول ما أشوف النتيجة ينتهي الموضوع
لكن لو كنت أبغى أثبت أن ليس هناك في العالم شخص اسمه "شامان" فهنا المهمة تكون شبه مستحيلة وتتطلب جهد هائل جدا وخرافي علشان أتأكد من خلو العالم من هذا الاسم
الكلام فيه فلسفة شوي صح؟ بس له تطبيق في النقاشات اللي أخوضها أحيانا على النت
لما يتجه النقاش إلى إثبات أن شيئا ما غير موجود هنا أنبه اللي قدامي إنه اختار الطريق الصعب وكذا النقاش ما راح ينتهي
تقدر تختصر وتثبت لي أن النقيض موجود أسهل لك، هذا لو كان ممكن، أو خلي النقاش في الأشياء اللي تقدر تثبتها أسهل