|
رد: الإعلان عن البدء في استقبال طلبات الالتحاق ببرامج الدراسات العليا للفصل الدراسي الأول للعام الجامعي 1439/1438هـ في 10 / 4 / 1438هـ
اقتباس:
المشاركة الأصلية كتبت بواسطة نور الإيمان
غيم تايه
شنو المقصود بالاوراق المصدقه من الوثيقه و غيرها
القصد ان نعمل لها (طباعه طبق الاصل) ؟
و لمن الله يكتب لنا تكملة الدراسه و طلبوا منا الوثائق
يعني نعطيهم ( طبق الاصل مووو ) الاصليه صح ؟
طيب اذا طلبوا صورتين مصدقتين من الوثيقه و السجل مع احضار الاصل .. اعطيهم الاوراق حتى الاصل ؟
انا اذكر و انا باخذ ورقة توصيه من سكرتيرة تبع كليتي
قالت لي احتفظي بالاصل ولا تعطينها احد .. و سوي طباعه طبق الاصل
بس ما اعرف شنو السبب .. و ليش نقدم اوراق طبق الاصل بدل الاصليه !
اتمنى توضح لي علشان افهم اكثر .. ابي اخذ احتياطاتي من الحين
و كيف اسويها طبق اصل .. يعني اروح المكتبه و اقولهم ابيها طبق الاصل ؟ يعني في البيت ما اقدر اسويها عن طريق الطابعه ؟ ولا يبيله ورق مخصص نفس نوع ورق الوثيقه و السجلات ؟
|
اضيف على ما تفضلت به الأخت فتات مسك .. زمان كان التقديم يدوي في الجامعات وكانوا يطلبون صور مطابقة للاصل وبعد ما اصبح الكتروني كل ما على الطالب انه يعمل سكنر
او يصور الشهادة وتطلع هي وملونة .. ولكن عند المقابلات الشخصية تطلب بعض الجامعات صور مصدقة وهذا حصل معي في جامعة ام القرى والإمام ..
وفيه جامعات بعد القبول النهائي ما تأخذ الأصل تخليه مع الطالب وتأخذ صورة ابيض واسود عليها ختم الجامعة ( طبق الأصل ) مثل جامعة عبدالعزيز ..
لكن اغلب الجامعات تطلب الأصل وتأخذها وتعطي المقبول وصل وبالفعل إذا انسحب او انتهت دراسته سلمت له .. وحتى لو احتاجها أثناء الدراسة ممكن يسحبها بتعهد لمدة معينة ..
مثل اللي يقدم على الخدمة المدنية ويحتاج إلى الوثيقة لمطابقة الصور التي قدمها ..
كيف تعملي صور طبق الأصل؟ .. اطبعي الوثيقة عدة صور ابيض واسود عشر نسخ مثلا ... وخذي وثيقتك وراجعي عمادة القبول والتسجيل وهناك يختموها لك بختم طبق الأصل ..
هذا امر مهم جدا .. وخليها معك ما تخسري شيء ..
موفقه يارب"""
|