السلام عليكم
قبل اسبوعين طلعت بطاقة التصنيف كأخصائي اجتماعي
رح اقولكم عن اللي سويته بالتفصيل (لكن بعض الطلبات تختلف من مكان لمكان ولكنها في العموم بسيطة وما تعني ان احد صح والثاني خطأ )
اول شيء رحت واخذت دورة الانعاش القلبي الرئوي (تحتاج تبحث عن مستشفى يقدمها ) المبلغ ما يتجاوز 300 ريال وهي سهلة واختبارها سهل لكن انصحكم بالتركيز للفائدة
بعدين رحت لهيئة التخصصات واخذت منهم لسته بالطلبات (ود معاك الاصل وصور اوراقك من شهادة وسجل اكاديمي وهوية وصور شخصية )
بعد ما خلصت طلباتهم عطوني خطاب لمكتب الابتعاث والتدريب في وزارة الصحة من شان يوجهوني لاي مستشفى اختاره لاتدرب 3 شهور بعد ما ادفع 3000 ريال في البنك الاهلي
نسقت مع مستشفى لكي يستقبلني وما قصروا وخلوا دوامي مسائي علشان عملي وبعد الثلاثة شهور سوو لي مقابلة بسيطة جدا
رجعت للهيئة وعطوني باسورد ويوزر نيم علشان اقدم لاختبار بيرسون وفعلا دفعت 300 ريال وحجزت موعد للاختبار عن طريق موقع بيرسون
قدمت اختباري وكان صعب جدا جدا لغموض الاسئلة وتشابه الاختيارات بشكل كبير جدا وعطوني النتيجة في نفس الوقت (بصراحة جبت 69وغير راضي عنها ) لكن الموظف استغرب من استيائي وقال درجة النجاح من 45 ومش الكل ينجح
المهم رجعت للهيئة واخذوا 1200 تقريبا لخمس سنوات مدة البطاقة (اذا ما توظفت خلال سنتين تعيد التدريب وتختبر مرة ثانية) وواعدوني بعد اسبوع اجي واستلم البطاقة ...وفعلا تم ذلك والحمدلله
الموضوع كله اخذ اكثر من خمسة شهور
ارجو ان تكون تجربتي مفيدة وواضحة لمن سأل لاني تجاوزت كثير من التفاصيل بقصد الاختصار