|
رد: تصويت لتغيير مقرر إدارة مالية
اقتباس:
المشاركة الأصلية كتبت بواسطة des_FaHoD
بهذي النقطة انا اختلف معاك اخوي سلطان ومن واقع تجربة
السمستر اللي طاف خذيت مادة اساسيات البحث العملي من المستوى الرابع اتوقع
ع اساس انها سهله وترفع المعدل
الدكتور كان جديد واول سمستر له
للاسف اسئلته كانت جدا جدا صعبه
ولكن طبعا هذا مو مقياس نعممه على باقي المواد
يعني ممكن يختلف الوضع من دكتور لثاني
لكن بشكل عام ما اتمنى انُ من الحين الواحد يصعبها على نفسه
لانه زي ماقلت بعدين من جد راح نستصعبها ولو انها سهله
وانا مريت بهذا الشي مع مادة المحاسبة2
من البداية خذيت فكرة ان الدكتور سيء ومايعرف يشرح
ولما جيت اذاكر والله العظيم ماقدرت استوعب المادة ابد
لدرجة والله اني ماذكرت غير 3محاضرات + بعض المعلومات القديمة من المحاسبة1 وقبل هذا كله توكلت على رب العالمين ودخلت الاختبار..
ولله الحمد نجحت وانا ماني مصدق كيف نجحت..
|
صدقت هي ما هي مقياس بس فيه دكاترة معروفين بالصعوبة حتى لو مسكوا مقرر جديد ابرزهم عيسى حيرش وحسان الغربي اللي اخذت عنده اساسيات البحث العلمي اما الباقين من تجربة سابقة كلها اتوفق فيها وتكون الاسئلة يارب لك الحمد سهلة مثل ادارة عامة والتوريد الترم الماضي الدكتور كان جديد وكان الطلاب خايفين منه علشان له تجارب سابقة في مقررات ثانية انه صعب الدكتور ودرس حتى كلية الاداب والعالم كلها اشتكت منه والتوريد مقرر دسم بالمعلومات وما يقل عنه ادارة عامة بكثرة الحشو والمعلومات لكن يوم جاء الاختبار طلع عكس التوقعات كلها من اطراف المقرر ما تعمق كثير وفي النهاية الموضوع يرجع لهمة الطالب حتى لو الدكتور شديد انت ذاكر زين واتعب بالمقرر ومستحيل انك تفشل بالاختبار وتعيد المادة او تحملها معك للاترام الجاية .gif "(204)")
موفقين ان شاء الله اخوي 
|