ملتقى طلاب وطالبات جامعة الملك فيصل,جامعة الدمام - عرض مشاركة واحدة - استفسار عام تم فتح أيقونة حجز موعد أستلام الوثيقه + صورة لتعبئة نموذج الخريجين والطريقة الصحيحه في كتابة النموذج وماهي متطلباته ...

o_lg_ll · #1 2017- 2- 15

بسم الله الرحمن الرحيم

السلام عليكم ورحمة الله وبركاتة

تم فتح أيقونة حجز مواعيد أستلام الوثيقه للي يبي يستلمها من الجامعة

ركزو الان الحجز مو متفعل الان لكلية الاداب

أصبرو كم يوم او لمن تصدر الوثيقه بشكل رسمي من أيقونة أستعلام عن الوثيقه

متى ما اصدرت الوثيقه وصارت جاهزه على طول تروحون لأيقونة حجز المواعيد وتحجزون لكم موعد

تنبيه وملاحظة

حجز المواعيد راح يكون أول أسبوع بحجز باقي الايام بدون حجز

هم مسوين أول أسبوع أو أول 4 أيام بحجز عشان الزحمه وكذا

بعدها خلاص متى مارحت الجامعة تستلم وثيقتك براحتك وبكيفك

لو تروح لهم بعد سنه تستلم وثيقتك بكيفك

لاتنسون تطبعون الموعد

وهذا الشروط اقروها بنفسكم

بالنسبة للي راح يستلم الشهاده من خارج الاحساء مايحتاج يوقع

فقط يضغط على ايقونة اخلاء الطرف وبعدها ارسال في حالة اردت استلامها عن طريق ارامكس

وراح تروح لهم وتطلع لك رسالة تم الاستلام ويبقى لك تروح ايقونة ارامكس وتطلب الوثيقه وخلاص ...

شوفو طبقو على هذا الموضوع

https://vb.ckfu.org/t758023.html

================================================== =======

نموذج التخرج وشنهو تكتب فيه بالضبط وشنهو متطلباته

لاحظت فيه ناس كثيره مو عارفين شنهو يكتبون في نموذج التخرج ومعقدين المسألة

اختصرها لكم

أكتبو بالضبط بالضبط مثل هذا النموذج

المربعات الفاضيه خلوها فاضيه

والصورة بالضبط زي كذا ملونه ومكتوبه بهذي الطريقة وبس خلاص

بعد كذا تحولون الصورة الى ملف word وترفعون النموذج للجامعة

لاتنسون نفس الصورة ملونة مطبوعه بالالوان ومعبينه بخط يدكم

بعد ماتعبونها بخط يدكم صوروها بالجوال او ارجعو اطبعوها سكنر وارسلوها للجامعة

نفس الشي بطاقة الاحوال والجواز

صوروهم بالجوال او سكنر

أهم شي الصور واضحين سوا عن طريق جوال او سكنر وبس خلاص بل عقد

الى مايعرف كيف يرفع الصور هذي للجامعة يشوف هذا الموضوع ويطبقه بالحرف الواحد

https://vb.ckfu.org/t736003.html

لاتنسون النموذج

وصورة بطاقة الاحوال

وصورة الجواز << اذا موجود واذا مو موجود مو لازم

تخلونهم ملف word وبعد كذا ارفعو للجامعة

( المقصد من الجواز حتى لو قديم ومنتهي وله 20 سنه هم يبون يأخذون أسمك بالانجليزي وتاريخ ميلادك بالميلادي )

عشان يتأكدون من الاسم بالانجلش وتاريخ ميلادك بالضبط

وفوق كذا يخربطون

ملاحظه

وشوفو هذي الردود يمكن تفيدكم

https://vb.ckfu.org/showpost.php?p=1...26&postcount=4

https://vb.ckfu.org/showpost.php?p=1...22&postcount=3

بالتوفيق ...