رحت للجامعه قبل يومين وابي اجاوب على الاسئله عشان غيري يستفيد
المنح متوقفه وما عندهم اي اخبار عن عودتها و الدراسه السنه ب 58 الف يعني كل ترم 29 و الترم الصيفي يحسب بالساعه الساعه الواحده ب 1800 وحاجه
و الايلتس اذا تبي تحذف السنه التحضيريه جيب 5.5 في الرايتنق و 5.5 في الاختبار كامل و تنحذف "انصح وبقوه قبل لا تخش جيب الايلتس وافتك من انك تدفع زياده" والتسجيل انتهى قبل فتره وبيفتح بعد حوالي شهرين
والكتب برضو تدفع سعرها قالي حوالي 6000 وحاجه بس مادري وش يقصد المبلغ هذا كل ترم ولا كل سنه
يعني لو حسبنا انها 58 الف و ترم صيفي تنزل مثلا 4 ساعات تخفيف و الكتب لو قلنا 3000 كل ترم يعني بتدفع تقريباً 65-70 الف كل سنه
الجامعه سعرها جدا جدا جدا مبالغ ولو انها قويه وشهادتها ممتازه بس المفروض فيه دعم للمواطنين يسوون زي الجامعات الي برا المواطن يدفع مثلا 30 الف بالسنه و الاجنبي 50 الف
يعني انا بعد ما بحثت في ماليزيا فيه جامعه اسمها بتروناس قويه جداً تعتبر من افضل 200 جامعه بالعالم , قررت اقدم عليها سعر السنه كامله 23 الف ريال وتعتبر غاليه فيه جامعات 10 الاف بالسنه وفيه حتى اقل ! وتعتبر رخيصه ماليزيا يعني ممكن تدفع سنوياً اقل من 40 الف و اصلاً بعد سنه بتنضم للبعثه غالباً
شطحت شوي بس ابي اوضح للطلاب الي ماعنده ذيك الميزانيه وبيضغط نفسه عشان جامعه الامير محمد انصح الي يقدر يغترب يروح افضل له منها ارخص و منها احتمال تنضم للبعثه بعد سنه