ملتقى طلاب وطالبات جامعة الملك فيصل,جامعة الدمام - عرض مشاركة واحدة - يوجد عليك رسوم مستحقة بقيمة 670 ريال , يرجى سرعة سدادها كي تتمكن من إخلاء طرفك

طالب مشاغب · 2017- 2- 19

اقتباس:

المشاركة الأصلية كتبت بواسطة اخصائي اجتماعي1

والله انك صادقه بالجزئية الاولى من كلامك ربع امبااااع الدفيعه بالخدمه لوكان المعرف أنثوي الله يقطعهم من الأرض
ياليت تقولون خيرا اوتصمتون حسبي الله ونعم الوكيل ردود بمنتهى الوقاحه و السخافة واللئامه
ماتدرون وش ضروف الناس
اخوي ارسل حسابك خاص وابشر بالمقسوم الليله بحسابك
بس تكفى راجحي

امباع في عينك
هات موضوع واحد وشفت فيه هالامبااع اللي انت تقوله
من الأعضاء اللي نسقت مع أخونا طموح شايب حول أحد الطالبات
فهل صرنا امباااع..!! تفكير الصبيان فكونا منه
شايف المنتدى بلا رقابة والا الطلاب داخلين شات القلوب
الطالبات لهن وضع خاص وكلنا نعرف ظروفهن الخاصة ..
إلا اذا تشوف ان البنت زي الرجال..هذا كلام ثاني.
ومساعدة الطالبات تكون بطريقة مرتبة ..مو خرفنة زي اللي بدماغك ..
ويتم التنسيق عبر المشرفة وادارة الملتقى للمصداقية ثم نتواصل مع احد الثقات هنا ونحول له ..
وتراها كذا حالة صارت لعدد قليل من الطالبات ..

لكن .. أبيك تجيب لي موضوع خرفنة زي اللي براسك ..

وترى صدق بعض الردود وقحة وفي غير محلها ولا نوافقهم عليها
لكن مشاركتك أردى منها وما يعطيك الحق تتطاول على الاخرين

وما دام عرضت على صاحب الموضوع انك تفزع له .. افزع له بشيء يبيض الوجه واحتسب الأجر
وينقال اخصائي اجتماعي عطى والا اقضب القاع
كلها 670 ريـال ..وانت قدها وقدود
ومقدما..أقول لك جزاك الله خير وبيض الله وجهك اذا فكيت كربة أخوك صاحب الموضوع.

أما صاحب الموضوع
يا أخي .. أسأل ربي يفرج عنك اذا انت في ضيقة
وما ندري عن ظروفك ..لأنه أنت شاب والرجل ما يبلش بعمره
وأنت سددت كل رسوم الجامعة..والحين صرت متخرج فـ كثير منا بيرى إنه غير منطقي إنك تبلش بـ 670 ريال..
لأنه مبلغ هين.. وهذا سبب الحيرة والتوتر في دواخلنا
وأعتذر لك أشد الاعتذار اذا رأيت في مشاركتي أي تقصير او خطأ عليك
لأن أخاف ربي وأخاف من عقوبة الشماتة وأنا اجهل ظروفك وسبب كتابتك لهذا الموضوع
لكن عبرت عن اللي يدور بدواخلنا عشان تعرف سبب رفض البعض لهذا الموضوع

وبالتوفيق يارب وعقبال فرحتك بالتخرج