اسمع وطبق الى اقولك بالحرف
الحين انت كل الى تسويه تدخل
موقع جدارة
https://eservices.mcs.gov.sa/jadara3...ers/index.aspx
وتسجل جديد
بعدها تدخل وتروح الى هذي الصورة
شوف أول مربع ترفع فيه شهادتك الى أسمه نسخة من الدرجة العلمية
تصور شهادتك سكنر من مكتبه وتحطها في فلاش او في البيت اذا عندك سكنر
وقول للمكتبه يخلي لك صورة الشهادة في ملف pdf ويحطها لك في الفلاش حقك
وترجع البيت وترفعها في هذي الايقونة
طبعاً لازم تعبى السيرة الذاتيه أسمك وتاريخ ميلادك ورقم الجوال
ومعلومات الشهادة الخ الخ من الهذره تعبي السيره كلها وترفع الشهادة مثل ماوضحت لك
واذا عندك خبرات حطها المهم خانة السيرة الذاتيه اشحنها معلومات عنك في كل شي
وبعد كذا تنتظر لمن يدققون شهادتك ويردون عليك ويكتب في حسابك في جدارة تم التدقيق والتوثيق
بكذا خلصان الخطوة الاولى
================================
بعد كذا تنتظر كل سنة اعلان الوظايف الى ينزل من الخدمة المدنية
الى مثل هذا الجدول
انت كل سنة تتظر هذا الاعلان وهذا الجدول
وتطالع في خانة
الوظائف المشمولة بسلم رواتب الموظفين العام
تشوف متى راح يبتدي التسجيل رجال ومتى راح ينتهي
اذا بداء التسجيل تدخل على ملفك في جدارة
وراح تشوف الوظايف الى مرشح لها انت من الحكومة
وتروح تختار لك الوظايف الى تبيها انت وفي اي مكان وفي اي مبنى وعلى اي رتبة مرشح لها
مثلاً انزلت لك 60 وظيفة واخترت منها 30 بكيفك اخترت 60 وظيفة كلها بكيفك
وتنتظر شهر وتشوف النتيجة هل ترشحت لوحده من الوظايف الى اخترتها انت والا الله يعوض عليك
وبس هذا الطريقة من الألف الى الياء
========================
الى متخرج جامعي ومقدم على جدارة ويبي وظيفة حكومية
لازم تختبر اختبار
القدرة المعرفية الخاص بالخدمة المدنية << ويطلق عليه أسم ثاني ( تقييم 1 )
طبعاً الان هذا الاختبار انتهاء لانهم هذي السنه افتحو الاختبار هذا من قبل شهرين وبس
ملاحظة مهمه
هذا الاختبار للرجال فقط الى بيقدمون على وظايف حكومية
اما النساء بس يرفعون شهادتهم وينطقون ينتظرون معنا هع
بالنسبة للرجال الى مابعد يتخرجون يقدرون يختبرون هذا الاختبار قبل مايتخرجون حتى لو قبل مايتخرج بـــ 4 سنوات
يعني يجهز نفسه يختبره كل سنه يمكن يرسب ويعيده الخ الخ قبل مايتخرج
وبس هذا الى يبي وظايف حكومية يطبق الكلام الى كتبته بالحرف الواحد
واذا تبي وظايف حكومية شوفلك واسطه واختصر على عمرك هع هع الله يرزقنا
طبق الكلام الى قلته لك بالحرف الواحد ويكون مسارك في السليم وربي يرزقنا معك بالوظيفة الحكومية يارب
بالتوفيق ...
تابع هذا الموقع والقسم الى فيه
http://btalah.com/forumdisplay.php?f=63