المشاركة الأصلية كتبت بواسطة البندري11

الله يعطيك العافية ابوقصي ماقصرت كفيت ووفيت
الدكتور يمكن يجيب اسئلة مدري أشلون
لكن انتوا بس تعرفوا أسلوبه راح تجيبوا ال100% بإذن الله
وأسلوب الدكتور هو أنه يجيب سؤال بس يخلص الحبر من القلم مايمديه يكمل كتابة السؤال للآخر
فيتركه ويجي للي بعده وسبحان الله في نص السؤال نفس الشي يخلص الحبر ونفس المشكلة حتى ينتهي من ال50 سؤال فهو مايهتم يجيب قلم جديد ويكمل الناقص لأنه حاط في باله ان الطالب او الطالبة قرأ المنهج كامل وفهم وحفظ فعارف الأجابة من غير مايكمل السؤال
المادة سهلة سهلة سهلة الى أبعد حد ممكن من السهولة
وأشياء أغلبها مرت علينا أقرأوها لو مرة واحدة بتركيز كاملة حطوها بين قوسين كاملة
وبكل تفاصيلها لاتقولوا هذي مو مهمة وأتوقع اللي يقرأها مرة واحدة من الجلدة للجلدة بكل تفاصيلها راح يجيب ال100
فعلا الدكتور يجيب نصف السؤال مايكمله على إفتراض ان انت خلاص عارف وش يقصد سعادته
لكن المذاكر يجيب الإجابة بسهولة فعلا المنهج سهل يحتاج شوية تركيز فقط ومايأخذ وقت في المذاكرة
اللي يأثر على الأداء في الإختبار أن الشيطان يجي يجلس شوي مع كل شخص يقول يمكن الدكتور مايقصد كذا
يمكن قصده كذا وكذا
ماعليك من الشيطان ولاعليك من الدكتور وش يمكن يقصد
عليك من المادة وش قرأت فيها ووش فهمت منها هذا هو الجواب الصحيح عشان كذا الدكتور ماكمل السؤال
خل الدكتور ونواياه في حالها أكتب اللي انت قرأته وفهمته من الكتاب
فقط وأعمل نفسك زعلان من الشيطان يوم الأختبار ولاتسمع منه كلمه
وكذا بإذن الله تعدي المادة بسلام
حفظ وفهم كامل المنهج بكل تفاصيله وتعمل زعلان من الشيطان وماتدخلش في نوايا الدكتور 100%a+