|
رد: مٱ دٱم ٱلرگن هٱدي ولابه عبث وإزعٱج ,,نويت أرگن هموم ٍ من ٱلدنيٱ تزعجنـي
تناديك رغبات المقابيل من الأرض وأنتي بالمجرّة
تهادي على غصن من الليل وتمادي على القلب ومقرّه
ترى كل هالدنيا تساهيل مادام أننا بنعيش مّرة
تلدّين وتزين التعاليل، تصدين وتصد المسرّه
وأناديك ودموعي هماليل وفي الصدر تنهيده و حرّه
أحبك وما للحب تأويل ولا شفت منك إلا المضرّة
وتموني يا ريم المكاحيل على القلب في خيره وشرّه
إذا جيتي أستاهلك بالحيل، وإذا كان ما تبغين حُرّه
فديت الوسيعات المظاليل، رماح الهلاك المستشرّه
وخطواتك اللي بالخلاخيل، لها في الصدر والقلب جرّه
وسواليفك بكل التفاصيل، وصوتك بها لله درّه
أبي منك ما ينهد لي حيل، على شي ما يسوى المبرّه
وابي صادقات التهاليل، إذا جيت أبشكي وأتشره
من الحظ وأشباه الرجاجيل وعثرات وقتي المستمره
وطموحاتي الغرّ المحاجيل وخذلانها مع كل كرّه
أعدل المساوي يطيح قنديل، وأهز الجفن وتطيح قرّه
|