^
من دق الباب يسمع الجواب يالمندوب
طالما انك سمحت بمواضيع فيها شحن وتعصب تحمل كل مايجي فيها من ردود
اما اننا نغلف موضوع تعصبي بحت بطابع مثاليه مايمشي ترا
قلنا لك قفل الموضوع وانت مستمتع بأي شي ضد الهلال هذي مشكلتك
لكن بما ان اغلب زوار القسم واعضاءه هلاليين وجب عليكم احترام ناديهم واحترامهم هم
نادي الهلال ملك لجمهوره واي اساءه له تسئ لنا شخصياً .
تكره الهلال انت وغيرك بسلامتك لكن التكرار اللي من اربع سنوات وش فايدته بهالقسم ؟
من عرفت القسم وانت وغيرك ترددون نفس الكلام ، بالوقت نفسه تصير تجاوزات من نواديكم
ومن رؤوساكم ولو بنتعامل باسلوبكم كان احصينا كل شارده ووارده وجينا نطقطق ونرمي اساءات واتهامات
ولاحظ ان اسلوب الهلاليين مختلف اذا جيت بكلام بتلقى رد لكن ماتعني لنا اخفاقاتكم ولا تجاوزاتكم يهمنا فقط الهلال .
اما بالنسبه للنقاشات ، انك تسرد كلمتين باللغه العربيه الفصحى وتغلف تعصبك واساءاتك بكلام منمق
مايخليك محاور جيد ترا .
بالنهايه نقاشك عقيم من اساسه ف كيف تطالب بمحاور جيد ومحور الحديث مغلق من بدايته ؟
تزايد وتناقش هلالي بمجد ناديه تبيه يججد ويقول معك حق ؟ وكلامك واراءك ماهي وحي منزل عشان ننجبر اننا نصدقه
ونمشي مع هواك عشان نكون بنظرتك مناقشين جيدين .
لك اربع سنوات في الملتقى تعيد وتزيد ولو كنت تفهم بالحوار والمناقشه عرفت ان الموضوع تكرر كثير ولا منه فايده .
ف من الافضل انك تتركه وتجرب طريقه ثانيه ترمي فيها اسقاطاتك على الهلال .
ياليت تتقبل الكلام بصدر رحب لان بالضبط هذا الحاصل