|
رد: مٱ دٱم ٱلرگن هٱدي ولابه عبث وإزعٱج ,,نويت أرگن هموم ٍ من ٱلدنيٱ تزعجنـي
البارحه يوم درب العشق هلاّبك
أهتزّ قلبي على طاريك من شوقه
غنّى لك الشعر و لساني تغنى بك
واهديت لك من لحن شعري وطاروقه
الله يسامح جفاك وكثرت غيابك
ماكن لك قلب يجري الدم بعروقه !
اقفى بك الوقت عن دربي وقفّى بك
وانا آتحرى اللقاء تبرق لي بروقه
اجي لدارك و أغضّ الطرف عن بابك
آخاف من عاذلي يجرحك منطوقه
ماودي الناس يااغلى الناس تغتابك
الناس ماترحم العاشق و معشوقه
متى اشوفك واشوف الكون يزهى بك
و ياتي نهار اللقاء ونعيش بـ / شروقه
تعال جدّد وصالك و أفتح كتابك
و أفتح لي القلب و افتّش بصندوقه
يمكن اني ألقى عذر واقفل عتابك
و أريّح اعصابي اللي كان محروقه
هذا وهو طيف .. رحّب بك وهلا بك
وشلون لو نجتمع !! بيموت من شوقه
|