|
رد: مٱ دٱم ٱلرگن هٱدي ولابه عبث وإزعٱج ,,نويت أرگن هموم ٍ من ٱلدنيٱ تزعجنـي
،’
يطيح جفن الليل وأهزّ كتفه
نجم يفزّ وباقي الليل مطفي
وأحاكي الجدران عن مثل غرفه
ماتشبه الجدران ويطول وصفي
وتتثاوب الجدران وأظهر لشرفه
تحت السما وأسكّر الباب خلفي
ريح تهبّ وتسكن العظم رجفه
وتموت ريح وتسكن أوراق نزفي
فوق الفيافي تهطل دموع وطفه
وتصب لمع بروقها وسط طرفي
ياطاري الغدران والعمر رشفه
مع قلّها ياليتها يوم تصفي
ليت الشوارع تجمع أثنين صدفه
لاصار شبّاك المواعيد مجفي
الـ♥ـب واجد مير الأقدار سلفه
والأرض واجد لكن العزم منفي
واللي أعرفه راح مانيب أعرفه
ولا عاد يذكرني الا أقلبت مقفي
ماهو ♥ـبيبي مورّد القلب حتفه
ولا هو حبيبي يفرح بوقت ضعفي
مر ثمر هالليل وأمر قطفه
يالحنظل اللي صرت أذوقه بكفي
وهذا تو الليل ماراح نصفه
وياليل بعض اللي مضى منك يكفي
،’
|