الله يرزقكـم الخيـر كله
ليش تكسير المجاديف .. و وضع عقبات قبل التخرج ..
الأرزاق بيد الله عزوجل مو بيد عباده
الانتظام والابتعاث .. فيهم بطالة ويواجهون صعوبات جمة في التوظيف
وترى حالنا من حالهم ..
اذا تاخذون الانتظام معيار .. أجل شهادات الدبلوم
شنو بيكون حالهم ؟؟؟<< بقول ليش لونت الدبلوم بالأحمر
وبعدين ليش نلبس ثوب غيرنا ؟؟ وليش نفصل حياتنا على طريقتهم ؟
اذا ما توظفت بالتعليـم .. اتجه للقطاع الخاص
اذا ما كملت ماستر انتظام ..توظف وادرس مسائي
اذا رسوم الماستر بـ 200 ألف ..توظف وادرس بجامعة عن بعد بالبحرين أو دبي ..وشهادتها ترقيك لأعلى المناصب في وظيفتكـ
لا تخلي أي شيء ..يوقف في طريقك ..
اندفع للأمام .. وحظوظك بالتوظيف والترقيات تصير أكبر وأكبر
اذا غيري نجح في الخارجية أو معيد بالجامعة أو ضابط ..
إنت تقدر تنجح وتصير أفضل منه مقام ومنصب بالقطاع الخـاص أو الاستثمار
أقول لكم هالكـلام من واقع ..مو قولة فلان أو سمعنا فلان
وأنا (وأعوذ بالله من كلمة أنا) شهادتي دبلوم من معهد الإدارة
وشرف لي أكمل دراستي هنا معكم ..لأنها نقطة تحول مفصلية بحياتي الوظيفية
بـ فضل من الله وتوفيقـه .. لو تعرض علي منصب معيد بالجامعة أو ضابط ..
ما أقبل ..ليش ؟
بحكم المزايا المالية والوظيفية والمنصب اللي أشغله حاليا..أعلى من القطاع الحكومي والعسكري والصحي
لذلك شهداتنا الانتساب اللي تستهينون بها .. هي خطوة مستقبلية لي للوصول إلى رئيس دولي Country Head في القطاع الخاص
بالمناسبة
معاي مديرة تكمل ماستر بالخليج بـ 300 ألف وراتبها 30 ألف ..
وأيضا موظفة من ذوي الدخل المتوسط راتبها 12 ألف وتكمل ماستر عن بعد
وموظفة من ذوي الدخل المتوسط تشتغل بالتعاقد راتبها 10 آلاف وتكمل ماستر بـ 220 ألف بجامعة دار العلوم
اللي بقوله لكم .. الغني والمدير والموظف ومتوسط الدخل والشخص العادي
حتى الموظف الأجنبي تبعي وهو سريلانكي ..بنفسي أروح معاه وأخلص شغله بالرياض سواء تسوق أو عقد ايجار مع مكتب العقار
ومع ذلك ..أسلفه إلى ان أخذ الماستر عن بعد من سريلانكا قبل سنة
وحاليا موظف بدبي بـ 20 ألف ريال ..
أرجع وأقول..كل هؤلاء الناس على اختلاف مشاربهم
عندهم سعي للطموح والاجتهاد
لذلك
لا يوقف أحد في وجه طموحكم ...لا احد يثبط من عزيمتكم
لا أحد يبث الكسل والخمول في نشاطكم ..واصل تحقيق النجاح ..
وبتشوف شنو حققت من نجاحات مميزة بعد 10 سنين بإذن الله.
والسلام مسك الختام.