المشاركة الأصلية كتبت بواسطة fno0o

الله يعينكم ويوفقكم ويطوي سنة الدبلوم لكم على خير ويسر
ايجابيات الدبلوم ان دخوله غالبا سهل واذا شافوا بالمقابلة الشخصية اهتمام وجديه وحرص وطموح
نسبة قبولك تكون أعلى
الاهم ان قبل المقابلة تشوفين خطة الدبلوم ويكون عندك علم بالمواد بشكل عام وعدد ساعات الخطه
اذا سألوك عن درجة قدرات الجامعيين ليش نازله للي نازله درجتهم بكل بساطه تبينين لهم انها مب عاجبتك وحابه تعيدين الاختبار
وبيسالونك سبب دراستك الدبلوم طبعا الان الماجستير اغلب التخصصات تربويه تحتاج تحقيق هذا الشرط
او ممكن تقولين تطوير لنفسي وبالدبلوم التربوي اكون عرفت استراتيجيات وطرق للتعليم تغنيني عن اني ابحث عن مراكز اعداد معلمين غير معترف فيها
ومن السلبيات اذا طاقتك ماتسمح لك تكونين موظفه وطالبة دراسات عليا انك من البدايه تتفرغين للدبلوم اللي بيكون من 2 - 5 ونص
لان لازم يكون بالحسبان انك راح تداومين 12 ساعه - اذا موظفه - وكل ماده تحتاج تكاليف وواجبات وورش وعروض وبحوث
ضغط مايعلم فيه الا الله لذلك لازم يكون فيك قوة واصرار لانهم كما اللي يختصر لك 4 سنين بسنه وحده
الترم الاول يكون كل الاسبوع دراسه والترم الثاني لديك يوم أوف
الترم الاول لا يختلف عن الترم الثاني من حيث الضغوط
لان بيوم الأوف ماتدرين تخلينه مذاكره والا تحضير درس والا والا والا لان بالترم الثاني فيه تدريب ميداني تنزلين لمدرسه
وبالنسبه لشراء الكتب المواد اللي راح تنفعك كتبها بالمستقبل كدراسات عليا بتخصصك أأيد شرائها
اما الكتب المكمله والاضافيه للمواد الافضل انك تبحثين عن تجمع طالبات سابقات يبون يعطون كتبهم بمبلغ اقل او من غير تكلفه على حسب الشخص اللي لديه الكتاب
( عندي كتب اللي مقبوله وحابه تاخذ كتبي تتواصل معاي )
الله يوفقكم ويسهل عليكم