الحمد لله على كل حال
رحت من الرياض واعتذرت عن يومين دوام وانصدمت من سوء التنظيم
راحت علينا صلاة المغرب والحمد لله اننا مسافرين يجوز نجمع المشكله في اهل الحساء فاتتهم الصلاة
للاسف المنظمين آخر همهم الطلاب والمهم كسب رضى راعي الحفل ولا يلامون لكن قليلا من حسن التنظيم
وصلت للعمادة واعطوني بشت طولي مرتين وما امداني اقصره وسألت موظف العمادة قلت فيه شهادات تقدير ولا دروع قال لا بس مسيرة وعشاء
وانا مسافر قلت ياولد بقعد على فطوري الى العشاء ويوم دخلونا الخيمة سحبت على اللوزين قلت ياحبيبي باصبر الى العشاء بلا لوزين بلا هم ولا حصنا عشاء لكن الله حق ماقصروا بالماء
المهم بعد نهاية الحفل تم السحب علينا وطقيناها كعابي لين المواقف وليتها طلعت مواقفنا خلها على ربك يارجل وحزنوني الشيبان اللي حاضرين وتمرمطوا
الحفل حليل وفرحة لسكان الاحساء ولا يستاهل العنوة بس والله هضموا حقنا خلونا آخر المسيرة وآخر الجلوس في آخر الحفل