2017- 5- 9
|
#59
|
|
متميز بالقسم الترفيهي
|
رد: # .. هامش احساس .. #
تكملة الموضوع ،،،
الغريب والمخيف في الموضوع انه بعد ما يكبر الانسان في العمر يتمنى انه يرجع مراهق او شاب عشان يعيش كل لحظة بتفاصيلها افراحها واحزانها وشقاها وتحصله يتوجد على ذكرياتها حتى الذكريات السيئة منها.
كثير من كبار السن اللي اعرفهم سواء رجال او نساء كلهم نفس الحالة وخصوصا كلامهم عن اولادهم انهم كانوا يتمنون يكبرون بسرعه والحين يتمنون يرجع الوقت ويعيشون معاهم كل لحظة بتفاصيلها حتى نومهم واكلهم وسواليفهم وتربيتهم  .
أذكر اني قد قرأت خبر عن دراسة في امريكا على ناس ( يحتضرون ) سألوهم لو عاد بكم الزمن وش أكثر خمس أشياء راح تسوونها !؟
وكانت اول اجابة عند الأغلبية ( الاستمتاع بالحياة بشكل أكبر والعمل بشكل أقل ) واختلفت الاجابات الأخرى ما بين الجلوس مع العائلة والابناء وما بين سلوك نمط حياة مختلف .. الخ.
وأذكر بعد اني شفت فلم اذا ماني واهم اسمه click يحكي عن واحد عنده زحمة عمل وماهو فاضي لكثير من امور حياته حصل اعلان عن ريموت يقدّم له اي حدث ما يبيه  ، مبدئياً الفكرة حلوة يعني مثلاً في مناسبات اجتماعية الزامية ولكنها أحياناً تكون غثيثة وفيه مجاملات كثير بحياتك تتمنى ترتاح منها وفيه كثير من الاشياء بشكل عام تتمنى انك تسوي لها skip وتحصل النتيجة.
مابي اذكر التفاصيل عشان ما اخرب على اللي ماشافه وناوي يشوفه ولكن بشكل عام نهاية الرجل كانت مشابهة للدراسة الأمريكية اللي ذكرت قبل.
الخلاصة:
عيشوا حياتكم، استمتعوا، اسعدوا اللي حولكم، انشروا الفرح والايجابية، استثمروا وقت الشباب
لأن الوقت هذا راح يعدي .. بحلوه ومرّه راح يعدي .. ولا راح يرجع ..
* اقدر اكتب الكلام كله في رد واحد بس ادري ان الاغلبية اذا شاف الهذرة واجد نط الصفحة بدون ما يقراها
اللي عنده تعليق او تعقيب على الموضوع يسعدني وبكل صدر رحب اقرأ كلامه تراي فاااااااااضي جداً وادور اي شيء يبعدني عن المذاكرة .gif "(269)")
|
|
التعديل الأخير تم بواسطة M-E-D-O ; 2017- 5- 9 الساعة 10:54 AM
|
|
|
|