غنيت من ضيقات صدري وونيت
وجاوبت مفجوع عليه المصايب
شكيت من روحي لروحي وسليت
جسم بلا روح عليه النوايب
ودعيت ربي في الدجا واستلذيت
دعوات ربي ماتعود نكايب
جهرت بالصوت المعنا ومديت
كفي لخلاقي جزيل الوهايب
يرزقني الجنه ليا اصبحتنا ميت
ويرزقني بر الوالدين القرايب
واخفيت صوتي يالاه وترجيت
قرب على طاعه بجمعى الحبايب
لاباس يالخاطر ولوك تعنيت
ان زان حظك يصبح القلب طايب
جيتك على وضح النقى ماتخفيت
حب يخلي كدر الماء عذايب
واخترت حسنات الدروب وتلافيت
درب يذل النفس مافيه صايب
واختام قولي ياخفوقي تمنيت
شخص عليه ركون قلبي ذوايب
هوجاس ،،