ملتقى طلاب وطالبات جامعة الملك فيصل,جامعة الدمام - عرض مشاركة واحدة

Gayda'a @ · #1 2017- 5- 14

[align=center][table1="width:100%;background-image:url('http://store6.up-00.com/2017-05/149474490763051.jpg');"][cell="filter:;"][align=center]

..

( التوت .. يغتال الكرز في منامـه )
( صياف شن الحرب مع تركي الفين )

( بسكال تسرق لحن .. راغب علامه)
فاصل غنائـي ... آه ياليـل ياعيـن

نعـود للموجـز ... نقـول بختامـه
هذا خبر عاجـل ورد مـن فلسطيـن

الدوخـي يعلـن للهلال انظمامـه ..
عفواً خبرنا صار مو من فلسطيـن!!

شكراً .. لكل واحد عطانـا اهتمامـه
نعود معكم لأغنيـة .. ليـل ياعيـن

شفتو شكثر هالغرب يخطـيء كلامـه
شفتو شكثـر حنـا غدينـا سخيفيـن

شفتو شكثر قاسي علينـا اتهامـه ..
يحسبنا كل ليله سهـارى مصليـن!!

مايدري انـا حـول (فاتـن حمامـه)
نوصف جمال عيونها .. والفساتيـن

ولاهي غريبه .. قبلنا أهـل العمامـه
شيّابنـا بغمـزة ( سميـرا ) موليـن

أريـام .. أم الغنـج .. والإبتسامـه
صـارت قضيـه مشغلـه هالملاييـن

تدرون عاد ... المشكله مـو اسامـه
ولاهـو اعجـاب العـرب بالمغنيـن

المشكلـه أكبـر وأكثـر .. ضخامـه
المشكلـه ... حنـا بليـا مضاميـن

أرخص ماعند اليعربـي .. إحترامـه
قلي شلون أعطيك الاثبـات هالحيـن

عطه ( الطراق ) .. يقول حب وكرامه
ثنّ (الطراق ) .. يقول أهلين وسهلين

وتقول لي ( بغـداد ) راحـت ندامـه
ياخيّ جاني علمها عـام ( تسعيـن )

ماهي غريبـه لافقدنـا الزعامـه ..
بس المصيبه نفخر بحرب .. حطيـن

بعنا الكرامـه .. وأشترينـا السلامـه
نبي نفوز بشي .. فزنا بـولا شيـن

هم وهمونا أن السـلام ( الحمامـه )
صرنا حمايم .. بس صارو شياهيـن

يكـادو هالإنسـان يفـجـر أمـامَـه
من كثر مايسأل .. متى نوفي الدين؟!

تظهـر علامـه .. وأتخفـى علامـه
ملايكـه تقفـي .. وتقبـل شياطيـن

ومن قال لك توه ... زمـان القيامـه
قله : طريق الشام .. سووه سيديـن

..

للشاعر فهد عواد المطرفي

..

[/align][/cell][/table1][/align]