|
رد: لــكل طــلآب مستوى ثامن .. لكم مني فائض الإمتنان,, حياكم آخوتي
فتحت الموضوع باخذ استراحه من الترجمه التتابعيه وانا اقرأ جمله من المستوى الاول للثامن ماقدرت امسك نفسي ولا دموعي 
حمدلله حمدلله حمدلله حتى يبلغ الحمد منتهاه والله يبلغنا جميع مو مصدقه هاليوم اخيرا جا حمدلله صح كلها شهاده (بكالوريوس) ولسى الطريق طويل للي بيكمل بس جت بشق الانفس وبعد سنين وتحفير وراها (على الاقل بالنسبه لي) ومتاكده كثير منكم مثلي، كلن له سبب الي خلاه يتجه لخيار التعليم عن بعد وكثير ما كان عنده الا هالخيار بعد ماتسكرت بوجهه كل الابواب..بس الحمدلله هذا يثبت ان الانسان لو بحث وصمم على شي بيوصل وبيكون بعد إرادة الله.
أرفع لكم القبعه فرداً فرداً.. كل واحد امتلك العزيمه وثابر واجتهد وسعى وراء حلمه ومر بضروف وعقبات الله اعلم بها لازم لازم لازم يكون فخور بنفسه، احترم جميع من اختار هالطريق وشاركني وتحمل تعليقات البعض وظنونهم بأن التعليم عن بعد طريق سهل للشهاده وانها تقدم لنا على طبق من ذهب (تحملوا) وبنثبت لهم قدرتنا ومصيرهم يغيرون هالصوره النمطيه الي رسموها عننا لما يشوفون قدره خريجين التعليم عن بعد وقدراتهم..
>>طولت بس (بعض مما في نفسي) ولازم اذكر انه لولا الله ثم مساعدتكم ولا ودي اذكر اسماء اخاف انسى البعض، اسأل من رفع سبع ووضع سبع ان يجعل كل عمل قدمتوه لنا في ميزان حسناتكم ويرفعكم فيه اعلى الدرجات بالدنيا والاخره ويرزقكم سعادة الدارين ويكتبلكم من الاقدار اجملها واسعدها..شكراً ..اتمنى اقدر اقول شي معبر اكثر من هذي الدعوات وهذي الكلمه البسيطه بس للاسف مقدر <<يقول ألبرتو مانغويل "نحن نريد التعبير عن شيء معقد وكبير، وفي النهايه نكتفي بكلمة أحبك"!
بالنهايه وبعد هذه المقدمه الطويله جداً جداً واعتذر صدقاً عنها.. واخيراً..
انا الجوهره المحسن خريجه 2017 إن شاء الله 
ولله الحمد من قبل ومن بعد
|