السلام عليكم ..
ياللي تعدّي الجبل وتحوّل من الجبل
ان مازبنك الشعر ، يحرجك لو تزبنه !
دخيل وجه ، ويتيم ، ولا لقى له سُبل
لقى فراغٍ تركته من زعل ، وسكنه !
إرضى ، ترا دايم اردّ العطايا دبل
ولا ودي اعطيك شيءٍ لي وتبكي منه !
مثل الرطب سيرتك حلوه وذكرك وبل
واسمك يمر المسامع كنّ له دندنه ):
معّ ان لك قلب يحقد اكثر من الابل !
وفيك الفضول متفرعن وانت من فرعنه
الحين احبّك وتدري بي واحبك قبل
وتسأل وبعدين ؟ وبعدين مدري عنه :)
ملويّه ارواحنا في بعضها وفـ حبل
تبقى سوى لو تفاوت بيننا الامكنه
ارضى وانا اصيّر القمرا لعينك طبل
واخلي الليل يعزف للصباح لحنه ..
زعفران ..
!