ملتقى طلاب وطالبات جامعة الملك فيصل,جامعة الدمام - عرض مشاركة واحدة - اسئلة اختبارات تعليق الدكتور ملفي على سوال الانثى و الدبلوم اللي جاء في اختبار الاحصاء

des_FaHoD · 2017- 5- 23

اقتباس:

المشاركة الأصلية كتبت بواسطة صالح أبو عايض

بحكم اني ممن كتبت عن الدكتور واتوقع الكلام موجه لي من ضمنهم تحمل كثر تعليقي :)

اخوي صالح.. ليه كل هالعصبية وهالانفعال
ترى الامور اهدى من كذا بكثير..
انا ماقلت غصب نشكره.. تبي تشكره اشكره ماتبي انت حر
وانا ماواوجهت الكلام هذا لك شخصيا ولا حتى انتبه والله للاسم
لكن انا لاحظت اكثر من مره ان اي شخص يشكر الدكتور اشوف ردود كثيرة وكانها تحاول تصادر حرية الاخرين في التعبير
وان المفروض ما نشكر وان المفروض نرفع تظلم وان المفروض والمفروض والمفروض.. ولاعمري انتبه لاسم اللي يكتب الرد او منهو علشان اوجه كلامي له
وحتى انا ترى ماشكرت الدكتور ولا قلت المفروض نشكره ولا طالبت بهالشي.. وبالعكس قلت في موضوع ثاني عن انطباعنا عن القسم للدفعة الجاية.. انو ياشباب انتبو ترى ملفي شرحهه شوي صعب لكن حاول تفهم قدر المستطاع وبعدين روح لتبويب ام جهاد

لكن انا حبيت اقول كلمت الحق.. الدكتور شرحه مافيه شي.. صح مو التوب.. ولكن ترى هذا اغلب اسلوب الدكاتره
ترى انت طالب جامعي مو طالب مدرسة علشان لازم الدكتور يفهمك النقطه حرف حرف..
ترى طلاب الانتظام اخوي صالح اغلب دكاترتهم يجي يبربر عليهم وبعدين يقولهم ارجعو للكتاب الفلاني علشان تكمل عندكم الصوره..
وانت كطالب جامعي ماتفرق عند الدكتور سوا كنت انتساب او انتظام. يعني المفروض تكون عارف من وين تجيب المعلومة اذا استصعبت عليك من الدكتور في المحاضرة المسجلة
اما انك ترجع تكلم ع جوال المقرر وتساله او تساله في المحاضرة المباشرة
لكن موضوع انه يعطيك الاساسيات من اول وجديد فهذا شي مستحيل..

اما موضوع انك مافهمت الا من دكتور احمد الفرحان.. انا انسان بصرحة مازلت للحين امدح احمد الفرحان وبفضل الله ثم احمد الفرحان قدرت افهم اساسيات الرياضيات من جديد.. وهالشي بعد توفيق الله ثم دكتور ملفي وتبويب ام جهاد ساعدني اني احل زين فالاحصاء.. لكن اللي اشوفه انا ان اغلب اللي يشتكون من الاحصاء انا متاكد ان فهمهم مع احمد الفرحان للاساسيات في رياضيات1 كان محدود فقط للاختبار وبعد الاختبار كل شي تبخر.. ومقرر الاحصاء وضح هالشي.. وعن نفسي فالبداية كنت برجع لشرح احمد الفرحان في الاحصاء.. لكن يوم شفت ان فيه اختلاف قررت اني اعتمد على شرح ملفي.. لانه هو اللي بيحط الاسئلة مو احمد الفرحان واكيد بيكون فيه اختلاف..
ومازلت اقول ان النقطة الوحيدة اللي تُعاب على احمد فرحان ان شرحهه فقط للاختبار.. ممكن يكون هالشي صح.. اذا استمر الفرحان ودرسنا كل المقررات اللي فيها رياضيات.. لانه وقتها هو راح يحط لنا الاسئلة حسب ماهو مفهمنا من الاساسيات وممكن يرجع يشرح لك بعض الاساسيات اذا كان عارف انه ما اعطها حقها في الشرح.. لكن الدكتور الثاني ملفي ولا غيره.. وهو مايدري اساسا اذا انت خذيت الاساسيات ولا لا.. هو فقط عليه انه يشرح المقرر اللي عنده.. اللي انت مفترض انك ماخذ اساسياتها من اول
اجل ليش حطو لنا مقرر رياضيات1 في المستوى الاول.. علشان تجهز نفسك وتاخذ الاساسيات وبعدين تروح للاحصاء والاساليب وانت جاهز.. ولا بطريقه هذي راح تعاني كثير بعدين..

اما موضوع انه ذم الانثى وما ادري ايش.. فا رده انا ما اشوف فيها شي.. انت ممكن تفهمه مذمه في حق الانثى وانا ممكن افهمه العكس.. الحيرة مو شرط شي سلبي يمكن تكون صفه حلو.. هذي عاد ترجع لتقييمك انت الشخصي للامور.

وبصراحة ردك ماشاء الله كان طووويل حيل ورد اندفاعي وانفعالي.. والموضوع ابسط من كذا كثير
وماقدرت ارد الا على بعض النقاط
وعموما يا خوي انا ماكتبت الموضوع والله علشان ابي احد يشارك ولا شي.. بس لفت انتباهي رد الدكتور على السوال اللي الكل يتكلم عنه وقلت انزله.. ما توقعت انه راح اشوف كل هالعصبية

الله يوفق الجميع